1 Kɔrèn 1:12 - Meta’

¹² Ənû nɨ mɨə ghàə̀ yɨ ni wɨ mɔʼ rəbɔʼ nən wɨə ghàə̀ ni tə wɨə beenɨ əbɔʼ ə Pɔ̂l, wɨ cherə wɨə ghàə̀ ni tə wɨə beenɨ əbɔʼ ə Àpolòs, wɨ cherə wɨə ghàə̀ ni tə wɨə beenɨ əbɔʼ ə Sefàs, wɨ cherə wɨə bə̀ yɨə ghàə̀ ni tə wɨə beenɨ əbɔʼ ə Kristo.

Ikan feg

¹² Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

1 Kɔrèn 1:12 교차 참조

Matìyò 23:8

Tɨ mbə̀ ben ə ni bə̂d tɔŋ əwən ni 'Əchwiə̀-ɨnû', ɨmbə̀ʼ ɨghəm nɨ mbə̀n mɨjìm yɨə bɔŋgɔb, əne mbə̀ berɨ àmei Əchwiə̀-ɨnû mɔʼ.

Jn 1:42

Wɨ̀ nyaʼa ghà əne nɨŋ ə Saimòn mbɨ wò əsɨ Yeso. Yeso nyaʼa nèŋ ə Saimòn ghà ni, “Àwɔ̀ yɨə Saimòn wan Jɔ̌n. Bə̂d bɨrɨ sɨə tɔŋ əwe ni Sefàs.” Ɨkum wɔ̂ ənɨ ɨŋgam Grik yɨ ni Pità.

Ɨ̀fàʼì 18:24

À nyaʼa ənɨ ə nyùmə̀ we, Jû mɔʼɔ nɨ ɨkum məd nyaʼə Àpolòs nyaʼa wò ə Efesùs. Mbɨ nyaʼa gywɨ əməd ə Àlèzandrià. Wɨ̀ nyaʼa berɨ ɨŋgam ɨchû bə̀ kyerɨ ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀ kwàʼ ɨchî chɔ̀m.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

1 Kɔrèn 1:11

Mbɨ bɔŋgɔb, mə wɨə ghà əne ɨmbə̀ʼ ɨghəm nɨ bə̂d mɔʼɔ rɨŋga ɨnəbɨ Kloè fə ghà ɨ num ni mbə mbɨə tàŋə̀.

1 Kɔrèn 15:5

Wɨ̀ nyaʼa jwɨ̀ ɨfě Pità, bə̀ jwɨ̀ ɨfě bə̂d tom mbe wum chɔ̀b rɨbe.

1 Kɔrèn 15:50

Bɔŋgɔb, ənû ze nɨ mɨə ghà ɨ nən yɨ ni, chəi əghɨ ze nɨ berɨ nyamnyod bə̀ berɨ ənəm ə ze tɨ̀ zɨə jɨg ənû ɨfɔ̀n ə Ŋwìə̀. Chə bəi əghɨ ze nɨə kwɨə ə ze tɨ̀ zɨə jɨg ɨghɨ mbe nɨ chəi mbɨə kwɨə.

1 Kɔrèn 16:12

À yeʼ ɨmbə̀ʼ wa aŋgɔb Àpolòs, mə̀ wɨə nyaʼə kàŋə̀ ghà ɨ bɔ ni məd mbɨ ə bɔŋgɔb cherə yeʼe əsɨ nən. Chəi wɨ̀ kə̀b nɨ yeʼe tɨ̀nîn, àyɨə wɨ̀ bɨrɨ yeʼe ənɨ ə nyùmə̀ we nɨ wɨ̀ berɨ əpan.

1 Kɔrèn 4:6

Tɨ̀nîn, kyɨə bɔŋgɔb, mə fə nɨŋ mɨ ənû mbɨ əzɨ Àpolòs ɨghabɨ əmɨgɨ. Mə nɨŋ əne ɨmbə̀ʼ weerɨ əwən, ɨmbə̀ʼ mbə̀ kwembɨ ənû rɨ na ɨmbə̀ʼ ɨŋgam we nɨə ghàə̀ ni, “Mbə̀ ghɨ àmei ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀.” Mbə mɨ ghɨ̀ əne, chəi mbə̀ bɨrɨ nɔ wə̀d mɔʼ, əne tə̀ə̀nɨ̀ wɨ cherə.

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

1 Kɔrèn 9:5

Zɨ̀ rɨ wa kuʼi ni tɨ̀ yenə mbɨ mba məyi nɨ ben ə Kristo ɨchî nɨ bə̂d tom cherə mbɨ ə bɔŋgɔb Ə̀nùŋɨ̀sɨg mbɨ Pità ə ghɨ̀ə̀ ə?

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Kɔrèn 9:6

Ənû ze nɨ mɨə ghàə̀ yɨ ni: Wə̀d we nɨ kon ɨghɨ rɨpiî, bɨrɨ bɨ kwəŋ ɨghɨ rɨpiî. We nɨ kon ɨghɨ nɔnɔʼ, bɨrɨ bɨ kwəŋ ɨghɨ nɔnɔʼ.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Gàlesìyà 3:17

Ənû nɨ mə̀ gha yɨ ni, “Ŋwìə̀ nyaʼa san fɨso mbɨ Abràham kàʼ ni tə bɨrɨ nuŋ fɨso fe. Əne ka rɨkə te nɨ sɨ yeʼe ənɨ ɨghəm ɨwu fə che əkɨ əkwè mbɨ ɨwum tad bɨrɨ nimnɨ i fɨso fe nɨ Ŋwìə̀ nyaʼa fə be san, əne ghɨ̀ ni ənû ze nɨ Ŋwìə̀ nyaʼa kaʼi ə che ətu ə̀kǒ.”