Rm 9:32 - Ikan feg

³² Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

Meta’

³² Əton kɨ ni yè ə? À yɨ ɨmbə̀ʼ ɨghəm nɨ chəi mbɨ nyaʼa kəb ənû nɨ təm kùʼnɨ̀ ənjìm ɨbenɨ. Mbɨ nyaʼa ghɨ̀ ɨghabɨ ni ənû nɨ təm kùʼnɨ̀ yɨ ənjìm ɨnû mbe nɨ mbɨ nyaʼə ghɨ̀ə̀. Mbɨ fə tɨ̀grɨ̀ ɨgun “ɨti we nɨ bə̂d ə tɨ̀grɨ̀ ɨgun.”

Rm 9:32 교차 참조

Matìyò 13:57

Mbi ya ghàm ane gaŋ, to̰ awɔb ni bḛ aməd. Si ya gha, Yeso ya ghà inɔb gha, “Bəd ya bḛ wə̀dkə̀n Ŋwiye inga isiŋi ijìm chèyi ibo inga aben fɔrɔ ibo inga achan.”

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Lk 7:23

Ane, Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

Rm 10:3

Icheg ne chəyi mbi kyeri inɔnjì ne Ŋwiye we ghìyə̀ bəd təmə kòʼò ibo imbìghè, mbi ya se zɔ̀ŋɔ̀ ni tangi ìtɔb tikuchèg ni təm kòʼ. Ane, chəyi mbɔb ya bḛ icheg ne Ŋwiye we ghìyə̀ bəd təmə kòʼò.

Rm 11:11

Mə we ywìrè bìre gha, mə̀Ju wa tə̀ngə̀ gùg ane icheg ne chəyi tì mbi ywìrì nɔ̀ʼ? Indèʼ ka! Kayi ane imbə̀ʼ icheg ne mbi ya ghì inug tibɔ̀ŋ, Ŋwiye si ghì bəd ne kayi mə̀Ju mbi pum ni ghì gha mə̀Ju se ghìyə̀ àdeg.

Rm 4:16

Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Pità 2:6

A ze inga Àŋwàʼrì Ŋwiye gha, “Mbə̀ nḛ! Mə we zèghè iteg a Zayɔ̀n. À ya iteg ibug nəb ne taŋ bɔ̀ŋ ne mə̀ ya chɔʼi nɔ̀ŋì. Wə̀d ne nɔŋi ibḛfiŋ igun məd chəyi wì biri nɔʼ bèrì tìnìrètug.”

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.