Rm 9:20 - Ikan feg

²⁰ Wə̀d-aku icheg ine, àghò kə we ne tì àghò ywiti ichug abə Ŋwiye? Aghi-to ze tì ze biri abə wə̀d ne to aməd gha, “àghò kə ghi amə mə yaʼ anìŋ imbə̀ʼ aghə?”

Meta’

²⁰ Àwɔ̀ wə̀d mɨ̀sɔŋɨchù kɨə kaŋ əwe nɨ bɨrɨ wiirɨ ɨŋgam əmbɨ ə Ŋwiə̀ ə? Tɨ̀ əghɨ ze nɨ mbɨ bɔmɨ wɨrɨ ghà əmbɨ ə wə̀d we nɨ bɔm əməd ni, “À bɔm əmɨ əni ɨmbə̀ʼ ə yè ə?”

Rm 9:20 교차 참조

Matìyò 20:15

Àkə chəyi mə̀ beri ika ni ghì icheg ne mə̀ kəbi tì ìmə ikab? Kə̀ àghò wa kə ghìyə̀ àdeg imbə̀ʼ icheg ne mə ghìyə̀ ìchɔ̀mì nàʼà ighi abə bəd abu abu?›”

Lk 12:14

Yeso ya ywìtì ibo gha, “Ìmə sə̀ʼ, wə̀d ne chɔʼi amə ane wə̀d ne sàʼa awən kə̀ wə̀d ne ghàpà ighi inən, àkə we?”

Rm 14:4

Àghò kə we ne sàʼa wə̀d àfàʼì wə̀d ndəŋ? À ya məyi mbaʼ àfàʼì wə̀d beri ni kyeri gha àfàʼì məd kòʼ kə̀ chəyi. Àfàʼì məd biri kòʼ imbə̀ʼ icheg ne à ya Anɔŋisəg beri ika ni ghì gha àfàʼì məd koʼo.

Rm 2:1

Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Rm 2:3

Ane, wə̀d-aku icheg ine, àghò wa kɔ̀ndi gha, icheg ne àghò we sɔ̀bɔ isaʼi igun bəd mbe ne ghìyə̀ tiku inug ìto̰, bə̀ ywìrè ghìyə̀ inug angu, chəyi Ŋwiye biri ghum sɔb isaʼi igun ine?

Rm 9:21

Tesiʼ ya gha, wə̀d ne bɔ̀mɔ ighi we tì wì bɔm ighi icheg ne wì kə̀bi. Məd we tì wì niŋ mbiŋ abɔmi amɔʼ bɔm tiku ighi ibe inga. Wì ya nɔ̀ŋɔ̀ aghi afibì ni kə bètè si nɔ̀ŋì àzin ane aneg anug.

Rm 9:22

À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 7:16

Àyi, àghò kyeri gha ighəm mɔ̀ʼɔ à ya àghò biri ghum pumni ìwe inɔm. Àghò mbaŋà, bə kyèri gha ighəm mɔ̀ʼɔ à ya àghò biri ghum pumni ìwe iweg.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

2 Timotì 2:20

Achan kyen ya bèrì ikaŋ aku aku. Ikaŋ mɔ̀ʼɔ ya mbi tangi ane gol. Mbin ya mbi tangi ane siribà. Mbi mɔ̀ʼɔ ya mbi to ane ized. Mbin ya mbi bɔmi ane ìseg. Mbi mɔ̀ʼɔ ya mbi nɔŋi ni fàʼ ijiʼi inug inga. Mbin ya mbe kə bètè fàʼà ighi inga ineg ijìm.

Tayitùs 2:9

Àghò gha abə məfeg gha mbe ya zùgrə ìmbɔb mə̀mbaʼ àfàʼì bə̀ ya ghìyə̀ yaʼ inug chɔm inɔb aghəm ajìm. Imbə̀ʼ mbi ya chɔ̀ʼrɔ awɔb ìngam abə ìmbɔb mə̀mbaʼ àfàʼì.

Jems 2:20

Anen! Àghò wa kə̀b gha mbe chwi ine gha ibḛfiŋ witì zən tìghinùg ya ati ako?