Rm 8:37 - Ikan feg

³⁷ Si ya gha, inga inug mbo̰ ijìm, tì ya icheg bəd ne màʼi ibid chè anjìm Yeso Kristo ne kɔ̀ŋi awa.

Meta’

³⁷ Chə̂, ɨŋga ɨnû mbɔ̂ jìm, tɨ̀ chè bə̂d mbe nɨ che bid ənjìm əməd we nɨ ghaʼ əwa.

Rm 8:37 교차 참조

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Rm 8:35

Wə̀d ne biri si ghì gha imbə̀ʼ Yeso chè yi imbìghè ni kɔ̀ŋ awa àkə we? Àkə ngəʼ, kə̀ àkə njèg, kə̀ àkə anug ne mbe chɔ̀ʼɔ ìmba ibɔʼì ighog, kə̀ àkə ifum, kə̀ àkə inug ne fàŋà awa, kə̀ àkə anug ni təm ichug iwu?

1 Kɔrèn 15:54

Anyumə̀ ne nyàmnyɔd ze ne kùyə fə bə̀ŋə̀ ane nyàmnyɔd ne chəyi ze kùyə, aghi ze ne kùyə bə̀ bə̀ŋə̀ ane aghi ne chəyi ze kùyə, Ìngam Ŋwiye we ne mbi ŋwàʼri inga Àŋwàʼrì Ŋwiye biri dù ane tesiʼ. Ìngam we ya gha, “Ŋwiye kà chè iwu, Ŋwiye fə nimni iwu.”

1 Kɔrèn 15:57

Tesiʼ ya gha, tì naʼa məyakà abə Ŋwiye ni ghì tì bèrì ika ni chè inug tibɔ̀ŋ anjìm ìwa Anɔŋisəg Yeso Kristo.

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

2 Kɔrèn 12:9

Si ya gha, aghəm atad ze ajìm, wì ya ywìtì gha, “Ìchɔ̀mì we ne mə ghi ine we kòʼ. Aton ya gha, wə̀d ya taŋ bàrà ìmə ika anyumə̀ ne wì bɔ̀ri.” Ane, mə gyen ni kɔ̀m igo imbə̀ʼ inug mbe ne chwìye gha mə bɔd. Anìŋ ya ni ghì gha ika Kristo se fàʼà inga inum.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

1 Jɔn 4:4

Àsi awən, mbə̰ ìmbum bɔn, mbə̰ ya bəd Ŋwiye. Ane, mbə̰ fə zɔ̀ŋ chè bədkə̀n mbe ne ghà inug ako imbə̀ʼ icheg ne azwighi ze ne yaʼi inga inən bèrì ika chè azwighi ze ne yaʼi inga isəg.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.

Ɨnû 3:9

Nḛ, mə biri ghì gha bəd inug ako mbe ne yaʼi inga ifeti bəd Sàtàn, mbe yèʼe gùndi aseg ine imbìghè, si bḛ gha mə kɔ̀ŋ awe. Mbɔb mbe ghà gha mbɔb ya mə̀Ju, si ya gha, mbɔb kayi mə̀Ju.