Rm 8:28 - Ikan feg

²⁸ Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Meta’

²⁸ Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

Rm 8:28 교차 참조

Mk 12:30

Àghò bèrì ni kɔ̀ŋ Anɔŋisəg ìwe Ŋwiye ane ìze fìŋ ijìm, tì ìwe ìtḛ̀ ijìm tì ìwe ikɔndi tijìm fɔrɔ ane ìwe ika ijìm.›

Ɨ̀fàʼì 13:48

Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Rm 11:29

À ya ane imbə̀ʼ icheg ne Ŋwiye fə mə̀ chɔʼ wə̀d mɔ̀ʼɔ ane ìwi, fə bə̀ ghì ìchɔ̀mì abə tengàŋ, chəyi məd Ŋwiye we ywìrè kɔ̀pɔ ìzi fìŋ ka.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

Rm 9:11

Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 1:24

Àsi bəd mbe ne bḛ ikən we, à ya mbɔb ne Ŋwiye chɔ̀ʼi awɔb ane ìmbi bəd. Kə̀ àkə mə̀Ju kə̀ bəd ne kayi mə̀Ju, Ŋwiye chwi ìwi iwe fɔrɔ ìwi ika inɔb anjìm Kristo.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

1 Kɔrèn 2:9

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

Gàlesìyà 1:15

Si ya gha, bɔŋ mbi ya se gwi mə, Ŋwiye ya fə ghì ìchɔ̀mì inum, chɔʼ amə gha mə̀ yaʼ wə̀d àfàʼì məd.

Gàlesìyà 1:6

Anug ze chè amə imbə̀ʼ icheg ne mə we zùghə gha mbə̰ mbe fə se sàŋà Ŋwiye we ne ya ghi ìchɔ̀mì inən anjìm Kristo, kàrì awən. Mbə̰ mbe sàŋà aməd se bḛ anug ndəŋ gha à ya ikən chɔm.

Gàlesìyà 5:8

Ŋwiye we ne ya kàri awən, chəyi tì wì ghi gha mbə̰ waʼ ikuchèg tesiʼ gho̰.

Efesùs 3:11

Aŋa ya anug ne wì ya fə chuʼri nɔ̀ŋì bɔŋ wì ya se tànga isəg. Wì fə chè anjìm Yeso Kristo ne yaʼi ìwa Anɔŋisəg ghì anug angu.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Fìlipì 3:14

Mə we kìrə ika ni chè imbìghè ni zən gha mə beri ineʼi we ne yaʼi imbìghè ne Ŋwiye ya kàʼi inum gha mə biri bèrì ikaŋ àbɔ̀ŋɔ icheg ne mə̀ yaʼi ane ifɔti tì Yeso Kristo.

1 Tèsàlonikà 5:9

Chəyi Ŋwiye ya chɔʼi awa ni zì ngəʼ igun ina. Wì ya chɔʼ awa yaʼ ni chì awa inga ngəʼ anjìm Anɔŋisəg Yeso Kristo.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 2:19

Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Pità 3:9

Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.