Rm 8:26 - Ikan feg

²⁶ À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

Meta’

²⁶ À yɨə bə̀ əndəŋ əndəŋ ni Əzwî ə zɨə wèèrɨ̀ əwa ɨchî nɨ tɨ̀ bɔrɨ, ɨmbə̀ʼ ɨghəm nɨ chəi tɨ̀ kyerɨ ɨchî nɨ kɔŋgɨ ə Ŋwiə̀ ɨchî nɨ tɨ̀ berɨ nɨ kɔ̀ŋgɨ̀. Àyɨə ənɨ chəi tɨ̀ berɨ ɨŋgam nɨ ghàm, Əzwî ziə ə zɨə kɔ̀ŋgɨ̀ ə Ŋwiə̀ ənɨ a ɨghəm.

Rm 8:26 교차 참조

Matìyò 10:20

imbə̀ʼ icheg ne kayi mbə̰ biri ghàm mbə̰ mbə̰. À ya Azwighi ìwən Mbaʼ biri chè anjìm inən ghàm.

Matìyò 20:22

Yeso ya ywìtì gha, “Chəyi mbə̀ kyeri anug ne mbə̰ mbe bìre!” Anyumə̀ ne wì ya ywìtì ane, wì ya biri inɔb gha, “Tì mbə̰ zən iku ngəʼ ze ne mə̀ biri zən?” Mbɔb ya ywìtì gha, “Tì we tì tì zə̰ ngəʼ ze.”

Lk 22:44

Icheg ne wì ya yaʼi inga ngəʼ kyen, wì ya taŋ chàʼra Ŋwiye ane ìzi fìŋ ijìm. Nìme yaya se dùwə̀ igun məd chə̀mbə aseg kwàʼ icheg anəm.

Jn 14:16

Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Rm 15:1

Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

Rm 7:24

Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə?

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

2 Kɔrèn 5:2

Ane, tì we chwèmè, sɔ ichug kə̀bə̀ gha nji Ŋwiye nàʼ nyàmnyɔd feg ina ikaŋ àbɔ̀ŋɔ.

2 Kɔrèn 5:4

Icheg ne tì beri nyàmnyɔd ìto̰ igun isəg, tì we chwèmè tì mbèʼ ni nìri. Kayi gha tì kə̀b ni chìkì ìta nyàmnyɔd ìto̰ igun isəg. À ya gha tì kə̀b ni bèrì nyàmnyɔd feg. Ìta nyàmnyɔd feg te biri niŋ ati abə ìto̰ ne tì ti ku.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Mə̀Hibrù 4:15

Tè bèrì atog wə̀d kyen igun bəd mbàn Ŋwiye ne tì wì sɔmnɔ̀ igun ina anyumə̀ ne te bɔ̀rɔ ane ìwa ibḛfiŋ igun Ŋwiye. À ya ane imbə̀ʼ icheg ne Sàtàn ya kwàʼrì aməd ane mənɔnjì nɔʼ nɔʼ icheg ne Sàtàn we bə̀ kwàʼrà awa, si ya gha, chəyi wì ya gùghi anug.

Mə̀Hibrù 5:2

Məd ya bɔ̀tɔ ane fìŋ tì bəd bə̀ bèrè àsɔ̀mnəfiŋ igun bəd mbe ne fèbrè inug imbə̀ʼ icheg ne chəyi mbi kyeri. Aton ya gha, wì kyeri gha zìye ini bɔd ane mənɔnjì nɔʼ nɔʼ icheg ne bəd bə̀ bɔd.

Jems 4:3

Mbə̰ mbe nɔ̰ ighi chəyi Ŋwiye we nàʼà inən imbə̀ʼ icheg ne mbə̰ ya nɔ̰ tì tikɔndi tibɔ̀ŋ. Mbə̰ ya bìre yaʼ ighi mbe ne mbə̀ biri niŋ se fàʼà inug mbe ne bɔ̀ŋɔ̀ inən.