Rm 8:2 - Ikan feg

² À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

Meta’

² ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Rm 8:2 교차 참조

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Jn 8:32

Mbə̰ biri kyeri tesiʼ, ane, tesiʼ we biri pumni awən.”

Jn 8:36

Ŋwan Wə̀d mə pùmni awən, ane ya gha, mbə̰ fə pum kwàʼ tesiʼ.

Rm 16:3

Mbə̀ chàʼri Priskà tì Àkwilà. Mbɔb ya fɔrɔ fàʼà tì inum abə Yeso Kristo.

Rm 3:27

Ane, tì kə ywìri kɔ̀m igo ane aghə? Chəyi ywìrè anug mɔ̀ʼɔ ne tì beri ni kɔ̀m igo igun. Ane, aton àkə gha? Àkə imbə̀ʼ icheg ne tì ya zùgrə mə̀nɔ̀ʼɔ̀? Indèʼ ka! À ya imbə̀ʼ icheg ne tì beri ibḛfiŋ igun Yeso.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:18

Amad anìŋ, mbə̰ fə pum abə inug tibɔ̀ŋ ne ya beri ika igun inən. Mbə̰ ya icheg məfeg abə inug mbe ne təmi kòʼ imbìghè abə Ŋwiye.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Rm 7:21

Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum.

Rm 7:23

Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

2 Kɔrèn 3:17

Amad anìŋ, Anɔŋisəg ya Azwighi Ŋwiye ze. Asiŋi ne Azwighi Anɔŋisəg yaʼi angu, wə̀d ya pùmə.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

Gàlesìyà 2:19

Anug mə̀ yaʼ àze ne zi mə̀nɔ̀ʼɔ̀ Muse, mo ya icheg awu wə̀d, awu wə̀d ne à ya mə̀nɔ̀ʼɔ̀ Muse zweti. Ane ya ni ghì gha mə̀ si yaʼ izɔm se fàʼà abə Ŋwiye.

Gàlesìyà 5:1

Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Jems 1:25

Àsi wə̀d we ne taŋ zì atog ni zug mə̀nɔ̀ʼɔ̀ mbe ne bɔŋi mànì, ne pùmnə bəd, bə̀ chè imbìghè ni ya nḛ̀ igun mə̀nɔ̀ʼɔ̀ mbe, ne chəyi wì ya zùghə inug nèbè, Ŋwiye biri zì àbɔrɔ̀bɔd igun məd.

Ɨnû 11:11

Anyumə̀ ne ineg mbe itad tì aba ya che, Ŋwiye ya chà Azwighi ne nàʼ ìtḛ̀, ze yeʼe nyi inga iwu bədkə̀n mbe, mbi gàd nɔ̀ʼ təm titighe. Bəd ne ya bàri bədkə̀n mbo̰ ya bɔ se bìnde.

Ɨnû 22:1

Angirə̀ we ya chwi igyi kyen we ne mənib məd mbe nàʼà ìtḛ̀. Igyi we ya zḛ njànda kwàʼ icheg kristà. Wi yaya dùwə̀ aton atən ifɔn àzi Ŋwiye tì Ŋwan njə̀g.