Rm 7:5 - Ikan feg

⁵ Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Meta’

⁵ Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

Rm 7:5 교차 참조

Matìyò 15:19

À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Jn 3:6

Wə̀d ne wə̀d-aku gwi ya wə̀d-aku. Àsi wə̀d ne Azwighi Ŋwiye gwi ya wə̀d ne Azwighi Ŋwiye yaʼi inga məd.

Rm 1:26

Anjìm inug mbo̰ ne mbɔb mbe ghìyə̀, Ŋwiye fə sàŋì awɔb abə ìmbɔb inug tibɔ̀ŋ mbe ne nàʼà tìnìrètog abə bəd. Mə̀yi mbe ne abɔ̀ʼ inɔb fə bə̀ŋì anug ni fɔti tì mbaŋà se fɔ̀tɔ awɔb yaʼ tì mə̀yi awən.

Rm 3:20

Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.

Rm 4:15

À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 5:20

Mə̀nɔ̀ʼɔ̀ Muse ya ghì inug tibɔ̀ŋ nɔʼ. Si ya gha, asiŋi ze ne inug tibɔ̀ŋ nɔʼi ìchɔ̀mì Ŋwiye ya nɔ̀ʼɔ chè.

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 6:19

Mə ya nìŋə inug ne mbə̀ kyeri icheg bəd-aku ni ghàm inən anìŋ, ni ghì gha ìmbən itog zen. Mbə̰ ya kweʼì niŋ ìmbən isiŋi nyɔd icheg məfeg ni ghì izṵ inug nɔʼ nɔʼ fɔrɔ ni ghì inug izəg nɔʼ nɔʼ. Amad anìŋ, mbə̀ si niŋ ìtən nyàmnyɔd ni ghì yaʼ inug ne təmi kòʼ fɔrɔ ni ghì gha Ŋwiye so awən mbə̀ zen mànì.

Rm 6:21

Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 7:23

Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

1 Kɔrèn 15:56

Ifin iwu ya inug tibɔ̀ŋ. Ika ni ghì inug tibɔ̀ŋ ya nɔ̀ʼɔ̀ ane mə̀nɔ̀ʼɔ̀.

2 Kɔrèn 10:3

Ka tì jiʼì yaʼ inga isəg, chəyi te màʼà ibid icheg ne bəd inga isəg mbe màʼà.

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Efesùs 2:11

Mbə̀ kɔndi gha, à ya yaʼ ane nyumə̀ mɔ̀ʼɔ, “Bəd mbe ne mbi ŋweri awɔb” yaya kàrà bəd mbe ne kayi bɔn tɔbseg mə̀Ju gha, “Bəd ne chəyi mbi ŋweri”. Mbi ya ghàmà imbə̀ʼ anug ni ŋwed wə̀d ane ibo.

Efesùs 2:3

Mba məjìm ya kweʼì yaʼ icheg inɔb icheg ne tì yaya fànà bə̀ ghìyə̀ inug mbe ne ìta nyàmnyɔd te ghə̀ʼrə̀. Tì yaya bə̀ bène abɔ̀ʼ ighi mbe ne ìta nyàmnyɔd fɔrɔ ìta tikɔndi te kə̀bə̀. Ane, Ŋwiye ya fə nɔ̀ŋì ni gaŋ tì ina icheg ne wì ya bə gaŋ tì inɔb.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 1:15

Anyumə̀ ne inug tibɔ̀ŋ mbe ne wə̀d we ghə̀ʼrə̀ fə nyi chùghi ibo inga fìŋ, mbi ya ghìyə̀ gha wì ghiyə inug tibɔ̀ŋ. Anyumə̀ ne inug tibɔ̀ŋ fə ka inga wə̀d, mbi ya zwète məd.

Jems 4:1

Aghi ze ne ghìyə̀ mbə zɔ̀ŋɔ̀ bə̀ chɔ̀bɔ mbə̰ mbə̰ àkə aghə? Imbə̀ʼ àzɔ̀ŋì ya nɔ̀ʼɔ ane ighi mbe ne ìtən fìŋ te ghə̀ʼrə̀?

1 Jɔn 3:4

Wə̀d ijìm ne ghìyə̀ inug tibɔ̀ŋ ya gùghə̀ mə̀nɔ̀ʼɔ̀, imbəʼ icheg ne, chəyi mə̀nɔ̀ʼɔ̀ bḛ gha bəd ghiyə inug tibɔ̀ŋ.