Rm 7:25 - Ikan feg

²⁵ Mə nàʼ məyakà abə Ŋwiye anjìm ìwa Anɔŋisəg, Yeso Kristo! Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.

Meta’

²⁵ Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

Rm 7:25 교차 참조

Matìyò 1:21

Məd biri gwi ŋwan mbaŋà. Ikum ne àghò biri chùb ibo ya Yeso imbə̀ʼ icheg ne wì biri chì ìmbi bəd inga ìmbɔb inug tibɔ̀ŋ.”

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:57

Tesiʼ ya gha, tì naʼa məyakà abə Ŋwiye ni ghì tì bèrì ika ni chè inug tibɔ̀ŋ anjìm ìwa Anɔŋisəg Yeso Kristo.

2 Kɔrèn 9:15

Tè naʼa məyakà abə Ŋwiye imbə̀ʼ ineʼi àka inun we ne wì nàʼi ina.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 4:6

Imbə̀ʼ mbə̰ si nwìʼì awən nyɔd imbə̀ʼ aghi mɔ̀ʼɔ. Mbə̀ ya dèghè ìmbən inug ijìm yaʼ abə Ŋwiye. Anyumə̀ ne mbə̰ mbe chàʼrà Ŋwiye, mbə boʼ ibo ibo, nɔ̰ ìmbən ighi ibo, bə̀ nàʼ məyakà ibo.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.