Rm 6:22 - Ikan feg

²² Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Meta’

²² Tɨ̀nîn nɨ chəi ɨnû rɨbɔ̀ŋ wɨrɨ berɨ ənû ə mɔʼɔ nɨ ghɨ mbɨ nən, mbə̀ yɨ sɨ ɨ̀bòʼò əmbɨ ə Ŋwiə̀. Əghɨ ze nɨ mbə̀ bɨrɨ jɨg yɨ ɨzeŋɨ zeŋɨ, əne ɨnwǐ yɨ ɨ̀tènɨ̀ rɨ mì,

Rm 6:22 교차 참조

Matìyò 13:40

Icheg ne mbe chɔ̀ʼɔ ifog tɔ̰̀ inga iywid, à ya bə̀ ane ne ze biri yaʼ ane nyumə̀ we ne isəg biri nwḭ̀yḛ̀.

Matìyò 13:43

Anyumə̀ we, bəd ne təmi kòʼ biri se zùʼə icheg achwi inga anug ìfɔ̀n ìwɔb Mbaʼ. Wə̀d ne tì wì zug anug, wì zug.”

Matìyò 19:29

Wə̀d ijìm ne sàŋì nəb kə̀ məfi kə̀ njàbi kə̀ mbaʼ kə̀ ngɔb kə̀ iweg kə̀ bɔn kə̀ bèyi mben məd imbə̀ʼ ìmə ikum, wì biri bèrì ighi mbo̰ ijìm achug iki ifibì bə̀ ywìrì jəg ìtḛ̀ ighə̀m imɔʼ.

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Jn 8:32

Mbə̰ biri kyeri tesiʼ, ane, tesiʼ we biri pumni awən.”

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:18

Amad anìŋ, mbə̰ fə pum abə inug tibɔ̀ŋ ne ya beri ika igun inən. Mbə̰ ya icheg məfeg abə inug mbe ne təmi kòʼ imbìghè abə Ŋwiye.

Rm 6:21

Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

Rm 7:25

Mə nàʼ məyakà abə Ŋwiye anjìm ìwa Anɔŋisəg, Yeso Kristo! Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 7:22

Wə̀d ne yaʼi àbòʼì ane nyùmə̀ ne Anɔŋisəg ya kàri aməd, wì fə se yi ane ìwi ighəm icheg ne wì yaʼ ane ifɔti tì Anɔŋisəg. À ya bə̀ ane ne, wə̀d we ne yaʼi yi ane ìwi ighəm anyumə̀ ne Anɔŋisəg ya kàri aməd, wì fə se àbòʼì abə Kristo.

2 Kɔrèn 3:17

Amad anìŋ, Anɔŋisəg ya Azwighi Ŋwiye ze. Asiŋi ne Azwighi Anɔŋisəg yaʼi angu, wə̀d ya pùmə.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

1 Pità 1:9

Icheg ne mbə̀ fə nɔŋi ibḛfiŋ igun məd, Ŋwiye biri pumni awən.

1 Pità 2:16

Mbə̀ chughi icheg bəd ne yaʼi awɔb ane ìwɔb ighəm ne kayi ìbòʼì. Si ya gha, imbə̀ʼ mbə̰ si niŋ awən icheg ne mbə̰ mbe chùghə ane ìwən ighəm ni ghì inug tibɔ̀ŋ. Mbə̀ chughi icheg ne bəd àfàʼì Ŋwiye beri ni chughi.

Ɨnû 7:13

Wə̀d mɔ̀ʼɔ abɔ̀ʼ itog bəd mbe ya biri inum gha, “Bəd mbo̰ ne zi ndwi maʼi fu fu àkə mə̀we? Mbi kə nɔ̀ʼi aya?”