Rm 5:21 - Ikan feg

²¹ Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Meta’

²¹ ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Rm 5:21 교차 참조

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Rm 4:13

Kayi imbə̀ʼ icheg ne Abràham yaya nɔ̀ŋɔ̀ mə̀nɔ̀ʼɔ̀ Muse ne Ŋwiye ya kàʼi gha məd tì bɔn ane aghaŋ inəbi məd biri jəg ighi igun isəg. À ya anjìm ibḛfiŋ məd ne Ŋwiye ya niŋi aməd ane wə̀d ne təmi kòʼ.

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Rm 5:14

Tesiʼ ya gha, iwu ya bèrì ika igun wə̀d ijìm ni ko ane nyùmə̀ Adàm ghò pè ane nyùmə̀ Muse. Iwu bèrì ika fɔrɔ igun bəd ne chəyi mbi ya gùghi anug kwàʼ icheg Adàm. Adàm ya iku wə̀d ne yaʼi icheg wə̀d we ne ya beri ni ghum yeʼe.

Rm 5:17

À ya tesiʼ gha anjìm anug tibɔ̀ŋ Adàm, iwu ya bèrì ika igun wə̀d ijìm. Si ya gha, àfàʼì ne wə̀d imɔʼ ne ya Yeso Kristo fàʼi, ze faŋ chè. Ane, bəd mbe ne niŋi ìchɔ̀mì nɔʼ nɔʼ we ne Ŋwiye nàʼi ne Ŋwiye fə bə ghì fìŋ chɔ̀m niŋ awɔb ane bəd ne ghìyə̀ inug ne təmi kòʼ, mbi biri chughi se fɔrɔ tùmbə̀ isəg tì Kristo.

Rm 6:12

Ane, icheg bəd-aku, imbə̀ʼ mbə̰ saŋa awən gha inug tibɔ̀ŋ bere ika igun inən se ghìyə̀ gha mbə̀ ya kɔ̀ŋɔ̀ inug tibɔ̀ŋ.

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:16

Chəyi àghò kyèri gha wə̀d ne àghò də̀bi ni yaʼ ifeg ibo bə̀ zùgri aməd, àghò ya kwàʼ ifeg abə ìwe Mbaʼ we ne àghò we zùgrə aməd? À ya ane, kə̀ àkə ni yaʼ ifeg abə inug tibɔ̀ŋ, ghì inug tibɔ̀ŋ ne zwète wə̀d, kə̀ àkə ni yaʼ ifeg abə Ŋwiye, zùgrə aməd, ghì inug ne təmi kòʼ ibo imbìghè.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 8:10

Ane, mbə̰ mə̀ yaʼ ane anug amɔʼ tì Kristo, ka ìtən nyàmnyɔd biri jiʼi ku imbə̀ʼ inug tibɔ̀ŋ, Azwighi Ŋwiye biri ghì mbə̰ jəg ìtḛ̀.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.