Rm 5:18 - Ikan feg

¹⁸ Ane, icheg ne anug tibɔ̀ŋ wə̀d imɔʼ fə ghì wə̀d ijìm gug isaʼi imbìghè abə Ŋwiye, à ya bə̀ ane ne anug chɔm wə̀d imɔʼ fə bə ghì wə̀d ijìm təm zen imbìghè abə Ŋwiye bə̀ jəg ìtḛ̀.

Meta’

¹⁸ Əne ɨchî nɨ ɨgu-ənû wə̀d mɔʼ nyaʼa zɨ ɨsaʼi ɨgwɨ ə bə̂d mɨjìm, əne tɨ̀ghɨrɨ-ɨnû wə̀d mɔʼ we nɨ təm kùʼnɨ̀ fə ghɨ̀ bə̂d mɨjìm təm kùʼnɨ̀ bə̀ ghɨ̀ ni bə̂d mɨ̀jìm jɨg ɨ̀tènɨ̀.

Rm 5:18 교차 참조

Jn 1:7

Jɔn gho̰ ya yèʼe ni ghàm abə bəd imbə̀ʼ ìzḛzḛ we. Wì ya ghàm ane ni ghì gha bəd mbe tì mbi kyeri ìzḛzḛ we bə̀ nɔ̀ŋì ibḛfiŋ igun.

Jn 12:32

Si ya gha, mbi fə mə nɔ̀ amə ikaŋ, mə biri ghì bəd məjìm yeʼe inum.”

Jn 3:26

Mə̀mə̀nənùg ìmbi Jɔn mbe ya ghò pè ghà abə Jɔn gha, “Àchwitìnùg, Àghò kɔ̀ndi wə̀d we ne ya yaʼi tì ine igyi Jodàn, injḭ ìywin. Wə̀d we ne àghò yaya ghà inug chɔm abə bəd imbə̀ʼ aməd. Məd we se nàʼà mənib abə bəd. Bəd məjìm mbe se ghò ibo.”

Ɨ̀fàʼì 13:39

Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.

Rm 3:25

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ.

Rm 4:25

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Rm 5:15

Si ya gha, chəyi bəd mbo̰ məbe yaʼi andəŋ andəŋ imbə̀ʼ icheg ne chəyi ineʼi Ŋwiye yaʼi icheg inug tibɔ̀ŋ ìmbi Adàm. À ya tesiʼ gha bəd nɔʼ nɔʼ ya ku anjìm anug tibɔ̀ŋ wə̀d we imɔʼ. Si ya gha, ìchɔ̀mì Ŋwiye faŋ. Ineʼi məd we ne wì nàʼi abə wə̀d ijìm anjìm ìchɔ̀mì wə̀d imɔʼ ne ya Yeso Kristo, we faŋ chè àfàʼì inug tibɔ̀ŋ.

Rm 5:19

Icheg ne wə̀d imɔʼ ya ghi tìzughə̀ ghì bəd nɔʼ nɔʼ se ghìyə̀ inug tibɔ̀ŋ, à ya bə̀ ane ne wə̀d imɔʼ zùgrə Ŋwiye, bəd nɔʼ nɔʼ si təm kòʼ imbìghè abə Ŋwiye.

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

1 Kɔrèn 15:22

Bəd məjìm mənyìʼ ku anjìm icheg ne mbi yaʼi ane ifɔti tì Adàm. Ane, bəd məjìm biri bə chughi izɔm icheg ne mbi yaʼi ane ifɔti tì Kristo.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

1 Jɔn 2:20

Àsi awən, Wə̀d Ìzḛzḛ fə zɔʼ awən icheg ne wì nàʼi Azwighi Ŋwiye inən, mbə̰ məjìm bə̀ kyèri tesiʼ.