Rm 4:17 - Ikan feg

¹⁷ A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

Meta’

¹⁷ Ə zɨ ɨŋga Ə̀ŋwàʼnɨ̀ ə Ŋwiə̀ ni Ŋwìə̀ nyaʼa ghà əmbɨ Abràham ni, “Mə fə ghɨ̀ e ənɨ ə mbǎʼ ɨgwɨ ɨbeŋ nɔnɔʼ.” Abràham yɨ a mbǎʼ ɨfě Ŋwiə̀ we nɨ wɨ̀ nyaʼa nuŋ fîŋ ɨgwɨ məd. Məd yɨə Ŋwìə̀ we nɨə nàʼ ɨ̀tènɨ̀ əmbɨ ɨvɨ bə̂d. Məd wɨə bə̀ ghàə̀ ni ɨghɨ mbe nɨ chə nyaʼa i mbɨ yeʼ əŋgu.

Rm 4:17 교차 참조

Matìyò 3:9

Imbə̀ʼ mbə̰ kɔndɔ awən gha mbə fə pum məyi icheg ne mbə̰ mbe ghà mbə̰ mbə̰ gha, ‹Mba ya bɔn ane aghaŋ inəbi Abràham!› Mə ghà inən gha, Ŋwiye we tì wì niŋ ateg azo̰ bə̀ŋì ane bɔn ìmbi Abràham.

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Jn 5:25

Mə ya ghà tesiʼ inən gha, nyùmə̀ we yèʼe. Nyùmə̀ we fə pè ne bəd ne fə ku biri zug gì Ŋwan Ŋwiye. Ane, bəd ne zughi biri jəg ìtḛ̀.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Ɨ̀fàʼì 15:18

bəd kyeri kwàʼ aneg aneg.› ”

Rm 3:29

Ŋwiye wa kə məyi abə mə̀Ju? Imbə̀ʼ məd ya bə̀ Ŋwiye abə bəd mbe ne kayi mə̀Ju? E! Məd ya bə ìwɔb Ŋwiye.

Rm 4:18

Abràham ya nɔ̀ŋì ibḛfiŋ igun Ŋwiye bə̀ nɔ̀ŋì ikɔndi chɔm ni ghɔ̀m anug ze ne Ŋwiye ya kàʼi. Ka chəyi wì ya jiʼì bèrì aton mɔ̀ʼɔ ni nɔ̀ŋì ikɔndi ni ghɔ̀m, wì ya bə̀ kiri nɔŋi ibḛfiŋ igun Ŋwiye bə̀ nɔ̀ŋì ikɔndi se ghɔ̀mɔ̀ anug ze ne Ŋwiye ya kàʼi ibo. Abràham ya ghì ane, Ŋwiye ghi məd si yaʼ mbaʼ abə iben nɔʼ nɔʼ icheg ne Àŋwàʼrì Ŋwiye gha imbə̀ʼ aməd gha, “Bɔn ane àze aghaŋ inəbi biri nɔʼ icheg titəm iməg.”

Rm 4:2

Àmə yaʼ ni gha Abràham ya təm zen imbìghè abə Ŋwiye imbə̀ʼ inug chɔm ne məd ya ghi, nji məd we tì wì kɔm ìwi igo. Si ya gha, chəyi tì wì kɔm igo imbìghè abə Ŋwiye.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Rm 9:11

Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi.

Rm 9:26

À ya bə̀ kwàʼ icheg ne ze yaʼi inga asiŋi ze ne mbi ya ghà inɔb gha: “Mbə̰ kayi ìmbum bəd.” Mbi biri kàrì awɔb angu gha “Bɔn Ŋwiye we ne yaʼi izɔm.”

1 Kɔrèn 1:28

Ŋwiye ya chɔʼ bəd mbe ne bəd igun isəg mbe wèghè bə̀ nìŋə gha à ya ighi ako, ni swi bəd mbe ne bəd igun isəg mbe nìŋə gha à ya bəd kyen kyen.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

1 Timotì 6:13

Mə ya anìŋ ghàmà ine imbìghè abə Ŋwiye we ne nàʼà ìtḛ̀ abə ighi ijìm fɔrɔ imbìghè abə Yeso Kristo we ne ya gha tesiʼ imbìghè abə Pɔntiyos Payilèd. Anug ne mə ghà ine ya gha,

Mə̀Hibrù 11:12

Ane, bɔn ne nɔʼi icheg titəm iməg ikaŋ àbɔ̀ŋɔ fɔrɔ icheg tìsiwaŋ iban igyi tìbà ya san ane aghaŋ inəbi àzi Abràham gho̰ imɔʼ, ka wì yaya bə̀ se yi icheg awu wə̀d.

Mə̀Hibrù 11:3

À ya anjìm ibḛfiŋ ne tì kyeri gha Ŋwiye ya tangi isəg ane ìwi ìngam, ni gha ighi mbe ne tè bàrà kayi mbi ya tangi ane ighi ni ya fə yaʼi.

Mə̀Hibrù 11:7

À ya ibḛfiŋ ya ghi Nwa̰ zugri Ŋwiye anyumə̀ ne Ŋwiye ya pati aməd imbə̀ʼ ighi ne chəyi məd ya kyeri. Ane, Nwa̰ ya tangi abaŋ igyi ne ya chi aməd tì inəbi məd inga ngəʼ. À ya ibḛfiŋ ìwi Nwa̰ ya ghi Ŋwiye zi isaʼi igun bəd mbe igun isəg. Anjìm ibḛfiŋ ìwi Nwa̰, Ŋwiye ya niŋ aməd ane wə̀d ne təmi kòʼ.

1 Pità 2:10

À ya yaʼ anyumə̀ mɔ̀ʼɔ, chəyi mbə̀ ya yaʼi bəd Ŋwiye. Àsi amad anìŋ, mbə̰ ya si bəd Ŋwiye. À ya yaʼ anyumə̀ mɔ̀ʼɔ, chəyi Ŋwiye ya kiri digri igun inən. Àsi amad anìŋ, wì fə dìgrì igun inən.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.