Rm 4:1 - Ikan feg

¹ Tè niŋ wə̀d icheg Abràham ìwa mbaʼ aneg. Aghi chɔm ne məd ya bàri inga anug azo̰ àkə aghə?

Meta’

¹ À kɨə ye nɨ tɨ̀ rɨ̀ ghà ni Abràham, a mbǎʼ rəŋwe, nyaʼa berɨ ɨchî nɨ wɨ̀ nyaʼa nuŋ fîŋ ɨgun ə Ŋwiə̀ ə?

Rm 4:1 교차 참조

Matìyò 3:9

Imbə̀ʼ mbə̰ kɔndɔ awən gha mbə fə pum məyi icheg ne mbə̰ mbe ghà mbə̰ mbə̰ gha, ‹Mba ya bɔn ane aghaŋ inəbi Abràham!› Mə ghà inən gha, Ŋwiye we tì wì niŋ ateg azo̰ bə̀ŋì ane bɔn ìmbi Abràham.

Lk 3:8

Mbə̀ chwi ane ìwən ikuchèg gha mbə fə sìkì inug tibɔ̀ŋ, bə̀ nàʼ ìtən fìŋ abə Ŋwiye. Imbə̀ʼ mbə̰ ghi ghà awən gha, ‹Tì fə pum imbə̀ʼ icheg ne mba ya bɔn inga aghaŋ inəbi Abràham.› Chəyi àze yaʼi anug mɔ̀ʼɔ. Ŋwiye we tì wì bə̀ŋì ateg azo̰ ane bɔn inga aghaŋ inəbi Abràham.

Jn 8:33

Mbi ya ywìtì ibo gha, “Mba ya bɔn ane aghaŋ inəbi Abràham. Chəyi tì kweʼì yaʼ ìbòʼì abə wə̀d mɔ̀ʼɔ ka. Aton ne àghò gha tì biri pum àkə ane aghə?”

Jn 8:53

Àghò wa bèrì ati chè ìwa mbaʼ Abràham? Wì ya ku, bədkə̀n Ŋwiye ya bə̀ ku. Àghò kə kɔ̀ndɔ gha àghò kə we?”

Jn 8:56

Ìwən mbaʼ Abràham ya kɔ̀ŋ, ni bàd nyùmə̀ we ne mə̀ biri yeʼe. Wì ya bə̀ bàd bə̀ gyèndi.”

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 3:5

Si ya gha, ze kə mə̀ chwi gha inug mbe ne te ghìyə̀ ne chəyi mbi koʼi imbìghè abə Ŋwiye ya ni ghì gha bəd bara icheg ne Ŋwiye we ghìyə̀ inug ne koʼi ina, tì si ghà àza gha? Tì tì gha chəyi Ŋwiye we ghìyə̀ inug ina ane icheg ne koʼi anyumə̀ ne wì zi ngəʼ igun ina? (Mə ya ghàmà anìŋ icheg wə̀d-aku.)

Rm 4:16

Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

Rm 6:1

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ Ŋwiye che imbìghè ni ghì ìchɔ̀mì ina?

Rm 7:7

Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.”

Rm 8:31

Inga inug mbo̰ ijìm, tì kə ywiri gha? Ŋwiye kə mə̀ yaʼ tì ina, wə̀d ne tì wì zɔŋ awa chè àkə we?

2 Kɔrèn 11:22

Mbɔb kə mə̀Ju? Mo inum ya bə̀ Ju. Mbɔb kə mə̀Izre? Mo inum ya bə̀ wə̀d Izre. Mbɔb kə bɔn ane aghaŋ inəbi Abràham? Mo inum ya bə̀ ŋwan ane aghaŋ inəbi Abràham.

Mə̀Hibrù 12:9

Ni chè imbìghè, mba məjìm bèrì mə̀mbaʼ igun isəg aŋa ne chə awa ni də̀n awa, tì bə̀ kiri ghumnə awɔb. Àsi Ŋwiye we ne yaʼi ìwa Mbaʼ ikaŋ àbɔ̀ŋɔ, imbə̀ʼ tì beri ni taŋ zugri aməd imbə̀ʼ yaʼ izɔm!