Rm 3:21 - Ikan feg

²¹ Amad anìŋ, Ŋwiye fə chwi icheg ne tì bəd təm kòʼ ibo imbìghè. Chəyi anug ni təm kòʼ ibo imbìghè beri aghi mɔ̀ʼɔ ni ghì tì mə̀nɔ̀ʼɔ̀. Mə̀nɔ̀ʼɔ̀ Muse tì bədkə̀n Ŋwiye ya fə taŋ ghà ane.

Meta’

²¹ Tɨ̀nîn, Ŋwìə̀ fə chwi ɨchî nɨ tɨ̀ bə̂d təm kùʼnɨ̀ ɨfě məd. Chəi ənû nɨ təm kùʼnɨ̀ ɨfě məd berɨ ənû nɨ ghɨ mbɨ rɨkə, ka à be yeʼi ni tɨkə rɨ Mose mbɨ ə bə̂d ɨ̀kə̀n Ŋwiə̀ nyaʼa fə ghà əne.

Rm 3:21 교차 참조

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 1:45

Filib ya nɔ̀ʼ ghò bàd wə̀d mɔ̀ʼɔ ne ikum məd ya Nàtanìyè, ghà ibo gha, “Tè bàd wə̀d we ne Muse ya ŋwàʼri inug imbə̀ʼ aməd inga mə̀nɔ̀ʼɔ̀, ne bədkə̀n Ŋwiye ya bə̀ ŋwàʼrì inug imbə̀ʼ aməd. Ikum məd ya Yeso. À ya ŋwan Jòseb we a Nazarèd.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 15:11

Tesiʼ ya gha, tè bḛ gha mba fə dù inga ngəʼ anjìm ìchɔ̀mì we ne Anɔŋisəg Yeso ghi ina. Tè bə̀ bḛ gha à ya anjìm ìchɔ̀mì we ne mbɔb bə dù inga ngəʼ.”

Ɨ̀fàʼì 26:22

Nɔ̀ʼ pè tèchɔ̀ŋ, à ya Ŋwiye we wètè amə. Ane, mə təm aŋa ni ghà inug imbə̀ʼ Kristo abə bəd məjìm, kə̀ àkə bəd kwa kwa, kə̀ bəd kyen. Mə ya ghà kwàʼ inug mbe ne bədkə̀n Ŋwiye tì Muse ya bə̀ ghà gha mbi biri dù.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 1:2

Ŋwiye ya fə bì kàʼ ikən chɔm gho̰ anjìm bədkə̀n məd. Mbɔb ya ŋwàʼrì imbə̀ʼ ikən chɔm gho̰ inga Àŋwàʼrì Ŋwiye.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 3:28

Tè kyèri gha wə̀d ya tə̀mə kòʼò imbìghè abə Ŋwiye ane tengàŋ beri ibḛfiŋ igun Yeso. Kayi imbə̀ʼ icheg ne wì ya ghìyə̀ inug mbe ne yaʼi inga mə̀nɔ̀ʼɔ̀ Muse.

Rm 5:19

Icheg ne wə̀d imɔʼ ya ghi tìzughə̀ ghì bəd nɔʼ nɔʼ se ghìyə̀ inug tibɔ̀ŋ, à ya bə̀ ane ne wə̀d imɔʼ zùgrə Ŋwiye, bəd nɔʼ nɔʼ si təm kòʼ imbìghè abə Ŋwiye.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 9:30

Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

2 Kɔrèn 3:9

Icheg ne àfàʼì mə̀nɔ̀ʼɔ̀ ne ghìyə̀ bəd kùyə ya beri ìzḛzḛ njandi njandi, àkə chəyi àfàʼì Azwighi ne ghìyə̀ bəd tə̀mə kòʼò beri ìzḛzḛ njandi njandi chè?

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 3:8

Ìngam Ŋwiye ya fə bì ghum ghà gha, Ŋwiye biri ghì bəd mbe ne kayi mə̀Ju mbi si bəd Ŋwiye anjìm ìwɔb ibḛfiŋ. À ya aton ne, Ŋwiye ya fə bi ghà ikən chɔm gho̰ abə Abràham gha, “Ŋwiye biri chè ine anjìm zì àbɔrɔ̀bɔd igun iben ijìm.”

Gàlesìyà 5:5

Mba mbe ne zi ibḛfiŋ igun Kristo, tì we ghɔ̀mɔ̀ ane fìŋ ijìm gha Ŋwiye ghiyə tì təm kòʼ. À ya Azwighi Ŋwiye ze ghìyə̀ gha tì nɔŋi fìŋ igun Ŋwiye.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

1 Pità 1:10

Bədkə̀n Ŋwiye ya taŋ kə̀b ni kyeri inug imbə̀ʼ icheg ni pum. Mbi ya taŋ nwèndi inug imbə̀ʼ ìchɔ̀mì gho̰ ne Ŋwiye kàʼi nɔ̀ŋì inən. Mbi ya taŋ nwèndi inug imbə̀ʼ ìchɔ̀mì gho̰, si ya gha, chəyi ìmbɔb itog ya zḛ imbə̀ʼ inug mbe.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.