Rm 2:29 - Ikan feg

²⁹ Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

Meta’

²⁹ Wə̀d yɨə Jû rəsìʼ ɨŋga fîŋ. Ənû nɨ ne mbaŋə̀ yɨ ənû rɨŋga fîŋ. À yɨə bə̀ yeʼ ənû nɨ Əzwî Ŋwiə̀ ə ghɨ̀ə̀. Ka Jû rəsìʼ yɨ i ɨchî nɨ mbɨ ŋwaʼnɨ ɨŋga ə̀ŋwàʼnɨ̀. Kaʼi bə̂d ə wumnɨ ə Jû rəsìʼ. À yɨə Ŋwiə̀ ə wumnɨ əməd.

Rm 2:29 교차 참조

Lk 11:39

Anɔŋisəg ya si ghà ibo gha, “Mbə̰ mə̀Farìsi ya sò ìtən itoʼ fɔrɔ ìmbən ikaŋ anjìm isəg. Si ya gha, inug tibɔ̀ŋ fɔrɔ inug izəg sweg inən inga fìŋ.

Lk 17:21

Chəyi bəd biri gha, ‹Nḛ azo̰› kə̀ ‹Nḛ azin yeʼe› imbə̀ʼ icheg ne anug ìfɔ̀n Ŋwiye fə se yi abɔ̀ʼ inən.”

Jn 12:43

Itog bəd aben mə̀Ju ya kɔ̀ŋ gha bəd ghumni awɔb chè icheg ne Ŋwiye biri ghumni awɔb.

Jn 4:23

Tesiʼ ya gha, nyùmə̀ we yèʼe ne bəd Ŋwiye biri ya ghùmnə aməd ane icheg ne koʼi. Nyùmə̀ we fə pè. À ya nyùmə̀ ne bəd Ŋwiye biri ya zùghə inug abə Azwighi Ŋwiye se ghùmnə aməd ane icheg ne koʼi. À ya ane imbə̀ʼ icheg ne, à ya tiku bəd te ne Ŋwiye ya kə̀bə̀ gha mbe ya ghùmnə aməd.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 2:27

Tesiʼ ya gha, bəd mbe ne kayi mə̀Ju ne nɔ̀ŋɔ̀ mə̀nɔ̀ʼɔ̀ Ŋwiye icheg ne ìtɔb fìŋ te ghà, ka chəyi mbi ya ŋweri awɔb, mbɔb bɔ̀ŋ chè awən mbə̰ mə̀Ju ne taŋ kyèri mə̀nɔ̀ʼɔ̀ Ŋwiye, ne chəyi mbə̰ mbe nɔ̀ŋɔ̀ mə̀nɔ̀ʼɔ̀ mbe.

Rm 3:1

Icheg ne ze yaʼi ane, chùd ni yaʼ Ju àkə iye? Kə̀ aton ni ŋwed wə̀d gha à ya Ju àkə gha?

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

2 Kɔrèn 10:18

Chəyi Anɔŋisəg we bḛ wə̀d ne gha zìye fàʼ icheg chɔm. Anɔŋisəg ya bḛ yaʼ wə̀d ne məd zìye gha gha wə̀d we fàʼ icheg chɔm.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.

1 Pità 3:4

Mbə̀ ghiyə ìzən ngwèn zì yaʼ anug ni nɔ̀ŋì ìtən fìŋ te zen bə̀ ya bɔ̀tɔ, bə̀ chùghi inyeʼ. Aŋa ya ikuchèg ne mbə̰ mə fə bèrì bə̀ nyìmi ze biri taŋ bɔ̀ŋ imbìghè abə Ŋwiye.