Rm 2:20 - Ikan feg

²⁰ Àghò gha àghò we fìʼè itog abə inen bə̀ chwìte inug abə bəd ne chəyi mbi kyeri inug. Mbə̀ Kyeri kwàʼ icheg chɔm gha inga mə̀nɔ̀ʼɔ̀ Muse, àghò we nàna inug ijìm fɔrɔ tesiʼ.

Meta’

²⁰ À wɨə ghàə̀ ni tə wɨə kəərɨ ɨneŋ. À wɨə bə̀ ghàə̀ ni tə wɨə chwi ɨnû əmbɨ ə bɔn kwa. À wɨə ghà əne ɨmbə̀ʼ ɨchî nɨ à kyerɨ ni ɨwe jìm mbɨ rəsìʼ jìm wɨ ɨŋga rɨkə.

Rm 2:20 교차 참조

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Rm 2:19

Àghò gha àghò kyèri kwàʼ tesiʼ gha àghò ya aghə abə ifəg, bə̀ yaʼ ikaʼì abə bəd mbe ne chəyi mbi kyeri Ŋwiye.

Rm 3:31

Àkə ni gha chəyi mə̀nɔ̀ʼɔ̀ Muse ywirì bèrì àfàʼì mɔ̀ʼɔ igun ina imbə̀ʼ icheg ne tì nɔŋi ibḛfiŋ igun Yeso? Indèʼ ka! Tì we kiri niŋə mə̀nɔ̀ʼɔ̀ ane aghi ne beri àzi ati.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

1 Kɔrèn 3:1

Ìmbum məfi fɔrɔ ìtum njàbi, chəyi tì mə ya ghàm inən icheg ne tì mə ghàm abə bəd ne zùgrə Azwighi Ŋwiye. Mə ya bèrì ni ghàm inən icheg bəd ne yaʼi inga isəg, kə̀ bə̀ icheg ni gha mbə̰ ya kiri bɔn bɔd inga anug Kristo.

2 Timotì 1:13

Àghò nyimi inug mbe ne àghò zùghi inum icheg aməgrì ni ya chwìte inug chɔm abə bəd. Àghò chwiti inug mbo̰ abə bəd bə̀ bèrì ibḛfiŋ igun Ŋwiye bə̀ ya kɔ̀ŋɔ̀ bəd icheg tì yaʼi ane ifɔti tì Yeso Kristo.

2 Timotì 3:5

Bəd biri yaʼ icheg bəd ne nyimi anug Ŋwiye, si ya gha, mbi biri to̰ awɔb ika we ne yaʼi inga anug Ŋwiye ze. Imbə̀ʼ àghò ya jə̀grə awe tì tiku bəd te.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Mə̀Hibrù 5:13

Wə̀d ne kiri kə̀bə ni nyɔŋ ibən ya kiri ŋwan bɔd. Chəyi tengàŋ kiri kyeri inug mbe ne Àŋwàʼrì Ŋwiye gha imbə̀ʼ anug ni təm kòʼ imbìghè abə Ŋwiye.

Jems 3:1

Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.

1 Pità 2:2

Mbə̀ niŋ ìwən nyɔd icheg bɔn bɔd ne kiri nyɔŋɔ ibən. Mbə̀ kəbə yaʼ ibən zḛ zḛ we ne Azwighi Ŋwiye ze nàʼà. Mbə̰ mə̀ nyɔŋ ibən we, mbə biri təm kà icheg ne Ŋwiye fə pumni awən.