Rm 2:17 - Ikan feg

¹⁷ Àsi awe, àghò gha àghò ya Ju. Àghò gha àghò we nɔ̀ŋɔ̀ mə̀nɔ̀ʼɔ̀ Muse. Àghò we bə̀ kɔ̀mɔ̀ igo gha àghò kyère Ŋwiye.

Meta’

¹⁷ À yeʼ àwɔ̀? À wɨə ghàə̀ ni tə yɨə Jû. À wɨə nuŋ e fîŋ yeʼ ɨgwɨ rɨkə rɨ Mose. À wɨə bə̀ goŋ ɨgɔ̂ ɨmbə̀ʼ ɨchî nɨ à kyerɨ ə Ŋwiə̀.

Rm 2:17 교차 참조

Matìyò 3:9

Imbə̀ʼ mbə̰ kɔndɔ awən gha mbə fə pum məyi icheg ne mbə̰ mbe ghà mbə̰ mbə̰ gha, ‹Mba ya bɔn ane aghaŋ inəbi Abràham!› Mə ghà inən gha, Ŋwiye we tì wì niŋ ateg azo̰ bə̀ŋì ane bɔn ìmbi Abràham.

Lk 10:28

Yeso ya ywìtì gha, “Àghò ghàm icheg chɔm. Àghò mə̀ ya fàʼà ane, nji àghò biri jəg ìtḛ̀.”

Jn 5:39

Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Jn 5:45

Imbə̀ʼ mbə̰ si kɔndi awən gha mə biri puti awən abə ìmə Mbaʼ. Wə̀d ne biri puti awən ya Muse we ne mbə̀ fə nɔŋi ìtən fìŋ igun məd.

Jn 7:19

Imbə̀ʼ Muse ya nàʼ mə̀nɔ̀ʼɔ̀ inən? Wə̀d abɔ̀ʼ inən ne nɔ̀ŋɔ̀ mə̀nɔ̀ʼɔ̀ mbe àkə we? Aton ne mbə̰ mbe kə̀bə̀ ni zweti amə àkə gha?

Jn 8:33

Mbi ya ywìtì ibo gha, “Mba ya bɔn ane aghaŋ inəbi Abràham. Chəyi tì kweʼì yaʼ ìbòʼì abə wə̀d mɔ̀ʼɔ ka. Aton ne àghò gha tì biri pum àkə ane aghə?”

Jn 8:41

Mbə̰ ya ghìyə̀ yaʼ inug mbe ne ìwən mbaʼ we ghìyə̀.” Mbi ya si gha, “À ya məyi Ŋwiye ne yaʼi ìwa Mbaʼ. Ane, Mba ya kwàʼ bɔn məd.”

Rm 2:23

Àghò we kɔ̀mɔ̀ igo gha àghò kyèri mə̀nɔ̀ʼɔ̀ Ŋwiye. Àghò we wa chìkì ikum Ŋwiye ane icheg ne àghò we gùghə mə̀nɔ̀ʼɔ̀ məd?

Rm 3:27

Ane, tì kə ywìri kɔ̀m igo ane aghə? Chəyi ywìrè anug mɔ̀ʼɔ ne tì beri ni kɔ̀m igo igun. Ane, aton àkə gha? Àkə imbə̀ʼ icheg ne tì ya zùgrə mə̀nɔ̀ʼɔ̀? Indèʼ ka! À ya imbə̀ʼ icheg ne tì beri ibḛfiŋ igun Yeso.

Rm 9:32

Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

2 Kɔrèn 11:22

Mbɔb kə mə̀Ju? Mo inum ya bə̀ Ju. Mbɔb kə mə̀Izre? Mo inum ya bə̀ wə̀d Izre. Mbɔb kə bɔn ane aghaŋ inəbi Abràham? Mo inum ya bə̀ ŋwan ane aghaŋ inəbi Abràham.

Gàlesìyà 2:15

Mo Pɔl, mə̀ ya chè imbìghè ghà abə Pità gha, “Chəyi tì ya kwàʼ bɔn tɔb-ìseg mə̀Ju. Mba kayi ‹Bəd ne kayi mə̀Ju ne chəyi mbi kyeri mə̀nɔ̀ʼɔ̀ Ŋwiye.›

Efesùs 2:11

Mbə̀ kɔndi gha, à ya yaʼ ane nyumə̀ mɔ̀ʼɔ, “Bəd mbe ne mbi ŋweri awɔb” yaya kàrà bəd mbe ne kayi bɔn tɔbseg mə̀Ju gha, “Bəd ne chəyi mbi ŋweri”. Mbi ya ghàmà imbə̀ʼ anug ni ŋwed wə̀d ane ibo.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 3:1

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sadìs gha, ‹Ìngam gho̰ nɔ̀ʼ abə wə̀d we ne nyìme izwighi Ŋwiye mbe ìsàmbe bə̀ nyìme titəm iməg te ìsàmbe. Mə kyèri inug mbe ne àghò we ghìyə̀; mə kyèri gha àghò we ghìyə̀ icheg ni gha àghò we kiri biri izɔm, si ya gha, àghò fə ku.

Ɨnû 3:9

Nḛ, mə biri ghì gha bəd inug ako mbe ne yaʼi inga ifeti bəd Sàtàn, mbe yèʼe gùndi aseg ine imbìghè, si bḛ gha mə kɔ̀ŋ awe. Mbɔb mbe ghà gha mbɔb ya mə̀Ju, si ya gha, mbɔb kayi mə̀Ju.