Rm 2:15 - Ikan feg

¹⁵ Ze chwi gha, Ŋwiye ya fə ŋwàʼrì mə̀nɔ̀ʼɔ̀ Muse inga ìtɔb fìŋ. Ìtɔb fìŋ fɔrɔ ìtɔb tikɔndi te se sàʼa awɔb, zìyè isaʼi igun inɔb kə̀ bə̀ tàŋà awɔb.

Meta’

¹⁵ Ɨ mbɨə chwiə ni mbɨ fə ŋwàʼnɨ̀ ɨnû ze nɨ yeʼ ɨŋga rɨ̀kə̌ ɨŋga fîŋ tɨ mɨ̀mə̌d. Fîŋ ze nɨə saʼə mɨ̀mə̌d ə bə̀ chwiə ni à yɨ rəsìʼ. Tɨkɔndɨ tɨ mɨ̀mə̌d bɨrɨ sɨə saʼə mɨ̀mə̌d ɨmbə̀ʼ ɨnû nɨ kuʼnɨ fɔrɨ ɨmbə̀ʼ mbe nɨ chəi mbɨ kuʼnɨ.

Rm 2:15 교차 참조

Jn 8:9

Bəd ne ya zughi anug ne wì ya gha, ya ko gu tìyè anjìm nìme imɔʼ imɔʼ, ni ko igun bəd kyen ghò pè igun ngwàʼ bɔd. Yeso ya si tèn məyi tì àyi we igun asiŋi ze itəmi.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Rm 2:14

Bəd ne kayi mə̀Ju, chəyi mbi kyeri mə̀nɔ̀ʼɔ̀ Muse. Si ya gha, mbi ya fàʼà yaʼ anug ne ìtɔb fìŋ te ghà, ne à ya bə̀ anug ne mə̀nɔ̀ʼɔ̀ Muse mbe ghà. Ane, ze chwi gha mbɔb kyèri inug chɔm bə̀ kyèri mbi tibɔ̀ŋ, ka chəyi mbɔb kyeri mə̀nɔ̀ʼɔ̀ Muse.

Rm 2:27

Tesiʼ ya gha, bəd mbe ne kayi mə̀Ju ne nɔ̀ŋɔ̀ mə̀nɔ̀ʼɔ̀ Ŋwiye icheg ne ìtɔb fìŋ te ghà, ka chəyi mbi ya ŋweri awɔb, mbɔb bɔ̀ŋ chè awən mbə̰ mə̀Ju ne taŋ kyèri mə̀nɔ̀ʼɔ̀ Ŋwiye, ne chəyi mbə̰ mbe nɔ̀ŋɔ̀ mə̀nɔ̀ʼɔ̀ mbe.

Rm 9:1

Mo ya gha tesiʼ icheg wə̀d ne yaʼi ane anug amɔʼ tì Kristo. Chəyi mə̀ ghàmà inug ako. Azwighi Ŋwiye ze ne yaʼi inga ìmə fìŋ ze bə̀ bḛ gha mə ya ghàmà tesiʼ.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 5:11

Tè kyèri aton ni ghumni Anɔŋisəg. Ane, tì we kìrə ika ni ghì gha bəd ndəŋ bə kyèri aton ze. Ŋwiye fə kyeri awa mànì, ane, mə kyèri gha mbə fə bə̀ bḛ anug azo̰ kwàʼ ane fìŋ ìzḛzḛ.

1 Timotì 4:2

Bəd ne chwìte tiku inug ìto̰ ya bəd ne bèmnè inug tì bəd inug ako. Ìtɔb fìŋ fə ku icheg ni gha mbi tɔ̀n ane anyaŋì.

Tayitùs 1:15

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.