Rm 15:8 - Ikan feg

⁸ Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

Meta’

⁸ Mə ghà ɨ nən ni Kristo nyaʼa beŋ ənɨ ə wə̀d ə̀fàʼì əmbɨ mɨ̀Jû, ɨmbə̀ʼ chwi ni Ŋwìə̀ wɨə ghɨ̀ ɨnû mbe nɨ wɨ̀ ghǎ, fɔrɨ ni wɨ̀ bɨrɨ ghɨ ɨnû mbe nɨ wɨ̀ nyaʼa kaʼi əmbɨ mɨ̀mbǎʼ ɨnəbɨ mɨ̀mə̌d.

Rm 15:8 교차 참조

Matìyò 15:24

Yeso ya ywìtì gha, “Ŋwiye tɔm amə məyi abə bəd inga inəbi Izre mbe ne yaʼi icheg njə̀g ne nimi.”

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Jn 1:11

Wì ya yèʼe pè ghò inga aben məd. Si ya gha, chəyi bəd məd ya niŋi aməd.

Jn 10:16

Mə bèrì njə̀g ndəŋ ne chəyi awɔb inga inɔ̰ njə̀g gho̰. Mə mənyìʼ niŋ njə̀g te yèʼe abɔ̀ʼ ìto̰. Ti biri bə zug ìmə gì. Ane, njə̀g te tijìm biri si fɔ̀ti ane inɔ̰ imɔʼ bə̀ bèrì àjənjə̀g imɔʼ.

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Rm 11:30

Àsi awən, mbə̰ mbe ne kayi mə̀Ju, mbə̀ kyeri gha mbə yaya ghùmə̀ ghìyə̀ tìzughə̀ abə Ŋwiye. Àsi amad anìŋ, Ŋwiye fə chwi àsɔ̀mnəfiŋ inən imbə̀ʼ icheg ne mə̀Ju ghi tìzughə̀.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 3:26

Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

Rm 3:3

Si ya gha, chəyi bəd mɔ̀ʼɔ abɔ̀ʼ inən mbe fàʼà anug ne mbi beri ni fàʼ abə Ŋwiye. Ane, Ŋwiye wa biri ton ni fàʼ anug ne wì ya fə nɔŋi gha zìye biri fàʼ?

Rm 4:16

Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

1 Kɔrèn 1:12

Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

1 Kɔrèn 10:19

Mə kə anìŋ ghà gha? Mbə̀ kə kɔ̀ndɔ gha mə̀ ya ghà gha tijəg te ne mbe jə mə̀ŋwiye ya bè aghi mɔ̀ʼɔ? Kə̀ bì gha mə̀ŋwiye ya bè aghi mɔ̀ʼɔ?

1 Kɔrèn 10:29

Mə ya ghà fìŋ wə̀d we ne kàʼi awən, kayi mə ghàmà imbə̀ʼ ìtən fìŋ. Aton ne fìŋ wə̀d ndəŋ biri se sàʼa aməd ane aghi ne mə jə̀ghə kə̀ ane aghi ne chəyi mə̀ jə̀ghə àkə gha?

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

2 Kɔrèn 1:20

Yeso Kristo fə ghì gha inug ijìm mbe ne Ŋwiye kàʼi mbe duwə ane tesiʼ. À ya anjìm məd ne te gha, “À ya ane” anyumə̀ ne te nàʼà ighumni abə Ŋwiye.

Efesùs 2:12

À ya yaʼ anyumə̀ we, chəyi mbə̰ ya yaʼi ane ifɔti tì Kristo. Chəyi mbə̰ ya bə yaʼ bəd Izre. Chəyi mbə̰ ya beri apan ane ikan we ne Ŋwiye ya kàʼi abə ìmbi bəd. Chəyi mbə̰ ya bə yaʼ bəd Ŋwiye. Mbə̰ ya yaʼ igun isəg aŋa ne chəyi mbə̀ ya nɔŋi ikɔndi igun Ŋwiye.