Rm 15:5 - Ikan feg

⁵ Ŋwiye we ne nə̀rə ìta fìŋ bə̀ ghìyə̀ gha tì beri inyimbifiŋ, wì bə ghì mbə̀ chughi ane ichug imɔʼ tì ìmbən məfi fɔrɔ ìtən njàbi icheg bəd ne bène abɔ̀ʼ Yeso Kristo.

Meta’

⁵ Ŋwìə̀ we nɨə ghɨ̀ ni tɨ̀ berɨ ɨnyiʼ fîŋ, bə̀ berɨ ɨka fîŋ ghɨ ni mbə̀ chub ənɨ ənû ə mɔʼ mbɨ mbə bɔŋgɔb ɨchî nɨ mbə̀ə beenɨ əbɔʼ Kristo Yeso,

Rm 15:5 교차 참조

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:3

Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

2 Kɔrèn 7:6

Si ya gha, Ŋwiye we ne nə̀rə fìŋ abə bəd ne beri ibəʼ ya nəri ìta fìŋ anyumə̀ ne Tayitùs ya yèʼe.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 2:2

Ane, mbə̀ nɔŋɔ ìwən ikɔndi ane ìwi imɔʼ. Mbə̀ ya bə̀ kɔ̀ŋɔ̀ ìmbən məfi fɔrɔ ìtən njàbi. Mbə̀ ya bə̀ ghìyə̀ inug icheg bəd ne beri ikɔndi imɔʼ. Mbə̰ mə̀ ya ghìyə̀ ane, mə biri ya taŋ gyènde.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

Fìlipì 4:2

Mə we bòʼo ibo abə Èyodìyà tì Sintikè gha, icheg ne mbi yaʼi ane ifɔti tì Anɔŋisəg, mbe yaʼ ane ichug imɔʼ.

1 Pità 3:20

À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

2 Pità 3:9

Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.