Rm 15:26 - Ikan feg

²⁶ Aton ya gha, bəd inga tifeti bəd Kristo te inga aba aben ze a Màsèdonìyà fɔrɔ Akìyà ya gyen ni chɔ̀pì ighi nàʼ abə bəd ne chəyi àzɔb inga ifeti bəd Ŋwiye we a Jèrusalèm.

Meta’

²⁶ Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

Rm 15:26 교차 참조

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Matìyò 26:11

Bəd mbe ne chəyi àzɔb biri yaʼ abɔ̀ʼ inən mà nyumə̀ ijìm. Àsi mo, chəyi mə̀ biri yaʼ abɔ̀ʼ inən mà nyumə̀ ijìm.

Lk 14:13

Àghò mə̀ ya kàʼà iteri, kàʼ bəd ne chəyi àzɔb tì bəd ne buʼrə tì məfəg fɔrɔ bəd ikwiri ibo.

Lk 6:20

Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 16:9

Àsi izimi we, anatì njə̀m mɔ̀ʼɔ ya chè Pɔl. Wì ya bàd mbaŋà mɔ̀ʼɔ inga anatì njə̀m ze ne ya təmi se bòʼo ibo ghà ibo gha, “Bani yèʼe wètì awa a Màsèdonìyà.”

Ɨ̀fàʼì 18:12

Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 9:13

Ànàniyàs ya ywìtì gha, “Anɔŋisəg, bəd nɔʼ nɔʼ fə mə̀tì inug inum imbə̀ʼ wə̀d gho̰. Mbi fə mə̀tì icheg ne wì fə zi ngəʼ nɔʼ nɔʼ igun ìmbe bəd a Jèrusalèm.

1 Kɔrèn 16:15

Ìmbum məfi fɔrɔ ìtum njàbi, mbə kyèri gha bəd mbègtog ne ya bḛ Kristo a Akìyà ya inəbi Stèfanàs. Mbə̰ bə̀ kyèri gha mbɔb ya fə zì atog ni wètì bəd Ŋwiye. Ane, mə boʼ ibo inən gha,

1 Kɔrèn 16:5

Mə kə̀b ni yèʼe inən, si ya gha, mə biri chè a Màsèdonìyà bɔŋ se yèʼe imbə̀ʼ icheg ne mə mənyìʼ chè angu.

2 Kɔrèn 1:16

Mə ya chuʼri nyɔd gha, mə biri chè mùg awən anyumə̀ ne mə̀ ghò a aba aben ze Màsèdonìyà bə̀ ywìrì chè mùg awən anyumə̀ ne mə̀ kùrə imbə̀ʼ mbə̀ naʼa àwètì inum ni ghò a Jùdeyà.

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 2:13

Icheg ne chəyi mə̀ ya pe bàd ìmə ifi Tayitùs, ze ya chìkì ìmə fìŋ. Ane, mə̀ ya nàʼrì inɔb, jəg inɔnjì ghò amə a Màsèdonìyà.

2 Kɔrèn 7:5

Anyumə̀ ne tì ya pe a Màsèdonìyà, chəyi tì ya beri àzwètì. Ngəʼ yaya nyḭ̀yḛ igun ina ane iba ijìm. Bəd yaya chɔ̀bɔ tì ina. Tì yaya bə̀ taŋ bɔ.

2 Kɔrèn 9:12

Ane, ighi ne mbə biri nàʼ biri fàʼ inug ibe: Mbi biri ghì bəd ne chəyi mbi kə beri mbi bèrì, bə̀ ghì bəd se nàʼà məyakà abə Ŋwiye ane igyendi.

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

2 Kɔrèn 9:4

Bəd Kristo mɔ̀ʼɔ mə̀ nɔ̀ʼ a Màsèdonìyà yèʼe pè bàd gha chəyi mbə kiri chuʼri ìwən nyɔd, ze biri yàʼ tìnìrètog ina imbə̀ʼ icheg ne tì fə nɔŋi ìta fìŋ ijìm igun inən. Chəyi mə̀ kə̀bi ni ghàm imbə̀ʼ tìnìrètog ni mbə̰ inən biri bə bèrì.

Fìlipì 4:15

Mbə̰ bəd a Fìlipì kyèri àzən aghi gha, anyumə̀ ne mə̀ ya nɔ̀ʼi a Màsèdonìyà ko gha ikən chɔm, chəyi ifeti bəd Ŋwiye ndəŋ ya wèti amə. À ya məyi mbə̰ ya wèti amə nàʼ ighi inum, mə bə̀ nàʼ ighi inən.

1 Tèsàlonikà 1:7

Ane, bəd məjìm mbe ne ya bḛ Yeso inga Màsèdonìyà fɔrɔ inga Akìyà, mbɔb mbe se nàna ìwən ikuchèg.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.

1 Tèsàlonikà 4:10

À ya tesiʼ gha mbə̰ mbe taŋ kɔ̀ŋɔ̀ ìmbən məfi məjìm fɔrɔ ìtən njàbi tijìm ne yaʼi inga isiŋi ijìm a Màsèdonìyà. Ìmba məfi fɔrɔ ìta njàbi, tì ya kiri boʼo ibo inən gha, mbə̀ che imbìghè se taŋ kɔ̀ŋɔ̀ ìmbən məfi fɔrɔ ìtən njàbi.

1 Timotì 1:3

Mə ya ghà ine anyumə̀ ne mə̀ yaya ghò a Màsèdonìyà gha àghò chughi a Efesùs ni ghì gha imbə̀ʼ bəd mɔ̀ʼɔ ywiri chwiti awɔb tikə tibɔ̀ŋ abə bəd.

Filemɔ̀n 1:5

Mə ya wènde awe ane imbə̀ʼ icheg ne mə we zùghə icheg ne àghò nɔŋi ìwe ibḛfiŋ igun Anɔŋisəg Yeso Kristo bə̀ zùghə icheg ne àghò we kɔ̀ŋɔ̀ bəd Ŋwiye məjìm.