Rm 15:19 - Ikan feg

¹⁹ Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Meta’

¹⁹ ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 15:19 교차 참조

Matìyò 12:28

Kə̀ àmə yaʼ ne mə kàmna izwighi tibɔ̀ŋ ane ika ne Azwighi Ŋwiye naʼi inum, nji ane ya gha, anug ìfɔ̀n Ŋwiye fə yeʼe inən.

Jn 4:48

Yeso ya ghà ibo gha, “Mbə̰ ya anìŋ, kirənde mbə̀ bàd ineni inug tì iyeti inug, chəyi mbə̀ biri nɔ̀ŋì ibḛfiŋ igun inum.”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 13:14

Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Ɨ̀fàʼì 13:51

Bɔŋ Pɔl tì Bànabàs ya se dùwə̀ ghò mbɔb ya kùtì agwi ane ìmbɔb ighog ni pati awɔb gha mbe bəŋi fìŋ. Anyumə̀ ne mbi ya ghi ane, mbi ya nɔ̀ʼ ghò a Ìkonìyùm.

Ɨ̀fàʼì 14:10

Ane, Pɔl ya kàrì aməd ghà ibo ane gì ka ka gha, “Nɔʼɔ təm!” Kwàʼ ati, Mbaŋà ze ya nɔ̀ʼ təm ko se yḛ̀.

Ɨ̀fàʼì 14:20

Si ya gha, anyumə̀ ne bəd mbe ne ya bḛ Kristo ya ghò təm chè kad aməd, wì ya nɔ̀ʼ, bə̀ndì ghò nyi inga Listrà. Àsi isu abɔ̀ʼ, məd tì Bànabàs ya nɔ̀ʼ ghò a Debè.

Ɨ̀fàʼì 14:25

Anyumə̀ ne mbi ya fə ghàmi Ìngam Ŋwiye a Pegà, mbi ya nɔ̀ʼ angu swìʼi ghò a Àtalìyà.

Ɨ̀fàʼì 14:6

Ane, anyumə̀ ne bədtɔm mbe ya zughi anug ne mbi yaya chùʼrə imbə̀ʼ awɔb, mbi ya nòrò ghò a Listrà fɔrɔ a Debè, ne ya isiŋi inga aba aben ze a Làyìkonìyà. Mbi ya bə̀ nòrò ghò fɔrɔ inga isiŋi mbe ne yaʼi iban iban.

Ɨ̀fàʼì 15:12

Anyumə̀ ne Pɔl tì Bànabàs ya ko ni ghà iyeti inug mbe ne Ŋwiye chè inga inɔb fàʼ abə bəd ne kayi mə̀Ju, bəd məjìm ne ya yaʼi inga ifeti we ya chim tizi.

Ɨ̀fàʼì 16:18

Wì yaya ghìyə̀ anìŋ ane ineg nɔʼ nɔʼ. Aneg mɔ̀ʼɔ, Pɔl ya gaŋ, ghàbri ghà abə Azwighi tibɔ̀ŋ ze gha, “Mə ghà ine ane ikum Yeso Kristo, che du inga ŋwan gho̰!” Azwighi tibɔ̀ŋ ze ya chè dù kwàʼ ati.

Ɨ̀fàʼì 17:10

Àsi tizimi, bəd Tèsàlonikà mbe ne ya bḛ Kristo ya niŋ Pɔl tì Sayilàs chà a Bèriyà. Anyumə̀ ne mbi ya pè angu, mbi ya ghò inga ichamì Ŋwiye mə̀Ju.

Ɨ̀fàʼì 17:15

Mbaŋà te ne ya niŋ Pɔl ya ghò tì məd anene ghò pè a Atèns. Mbɔb ya ywìrì bə̀ndì ghò awɔb a Bèriyà tì ikən ne Pɔl ya chà inɔb gha mbe gho ghà abə Sayilàs tì Timotì mbe zamba yèʼe kɔ̀ti aməd.

Ɨ̀fàʼì 18:1

Anyumə̀ ne Pɔl ya fə ghàmi tì ifeti Àrìyopagùs we, wì ya nɔ̀ʼ a Atèns ghò à Kɔrèn.

Ɨ̀fàʼì 18:19

Anyumə̀ ne mbi ya pè à Efesùs, wì ya sàŋì Prìsilà tì Àkwilà angu. Wì ya ghò yi tèzìʼì ghò nyi inga ichamì Ŋwiye, pè ko se tòʼrò inug tì mə̀Ju.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Ɨ̀fàʼì 20:20

Mbə̰ kyèri gha chəyi mə̀ ya to̰ ni chwiti inug mbe ne tì mbi wètì awən inən. Mə ya chwiti inug inən inga bəd fɔrɔ a nəb a nəb.

Ɨ̀fàʼì 20:6

Anyumə̀ ne nyùmə̀ Iteri Chègun ya fə che, tì ya nɔ̀ʼ a Filipì yèn inga abaŋ igyi, niŋ ineg ita̰, kɔ̀ti awɔb a Truwàs. Tì ya chughi angu ane ineg ìsàmbe.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 15:24

Mə we chùʼrə gha anyumə̀ ne mə̀ ghò a Spen, mə biri chè aghɔ bàd awən. Ikɔndi ne mə beri ya gha, anyumə̀ ne tì mughi ane iki nyumə̀ mɔ̀ʼɔ, mbə̰ biri nàʼ àwètì inum mə si ghò a Spen.

1 Kɔrèn 2:4

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

2 Kɔrèn 12:12

Inug ne ghìyə̀ bəd kyere gha wə̀d ya wə̀dtɔm Kristo ya iyeti inug kyen kyen fɔrɔ ineni. Mə ya ghì inug mbo̰ inən bə̀ bèrì inyimbifiŋ ni chwi gha mo ya wə̀dtɔm Kristo.

Gàlesìyà 3:5

Ŋwiye kə nàʼà àzi Azwighi inən bə̀ ghìyə̀ iyeti inug inən imbə̀ʼ icheg ne mbə̀ ya nɔ̀ŋɔ̀ mə̀nɔ̀ʼɔ̀ kə̀ imbə̀ʼ icheg ne mbə̀ zùghə ikən chɔm, bḛ?

Kòlosè 1:25

Mo ya wə̀d àfàʼì abə ifeti bəd Kristo icheg ne Ŋwiye ya chɔʼi amə chà, gha mə̀ taŋ tòʼrì inug ijìm mbe ne yaʼi inga Ìngam Ŋwiye inən, mbə̀ taŋ kyèri.

1 Tèsàlonikà 1:5

Kayi məyi ane ìngam ichug ne tì ya chèti ikən chɔm inən. Tì ya chètì fɔrɔ ane ika ne Azwighi Ŋwiye ya naʼi ina. Tì ya bə̀ chwi gha ikən chɔm gho̰ ya tesiʼ. Mbə bə̀ kyèri awən ikuchèg ne tì yaya chùghə tì inən ni wètì awən.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.