Rm 15:14 - Ikan feg

¹⁴ Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

Meta’

¹⁴ Mbɨ bɔŋgɔb, mə kàŋ kyerɨ ɨmbə̀ʼ əwən ni ɨ̀chɔ̀m ə swi ɨŋga tə fîŋ, ni mbə kyerɨ ɨnû jìm mbɨ ni mbə mbe tɨ̀ mbə kəərɨ mbə bɔŋgɔb.

Rm 15:14 교차 참조

1 Kɔrèn 1:5

Məd fə nàʼ tineʼi inən ane inɔnjì ijìm icheg ne mbə̀ yaʼi ane ifɔti tì Kristo. Məd fə ghì anìŋ ni gha mbə̀ gha inug ijìm mbe ne məd kə̀bi gha mbə̀ gha. Məd bə̀ ghì gha mbə̀ kyeri inug ijìm mbe ne məd kə̀bi gha mbə̀ kyeri.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

1 Kɔrèn 8:10

Mbə̰ mbe ne gha mbə̰ bèrì iwe, mbə̀ niŋ gha, wə̀d ne ibḛfiŋ məd bɔri wè bàd awən ne mbə̰ mbe jə̀ghə inga jə mə̀ŋwiye, imbə̀ʼ àze biri ghì gha wì se jə̀ghə ane ighi mbe ne mbe nàʼà abə mə̀ŋwiye?

1 Kɔrèn 8:7

Si ya gha, chəyi wə̀d ijìm kyèri anug azo̰. Bəd mɔ̀ʼɔ mbe angu ne ya fə mə̀ri tì anug mə̀ŋwiye. Mbɔb mbe kiri gha anyumə̀ ne mbɔb mbe jə̀ghə tijəg te ne mbi jə mə̀ŋwiye gha, à ya aghi àfàtì abə mə̀ŋwiye. Ane, icheg ne ìtɔb fìŋ te sàʼa awɔb, mbɔb mbe kɔ̀ndɔ gha chəyi mbɔb zḛ.

2 Kɔrèn 8:7

Mbə̀ nḛ gha mbə̰ mbe kwèghe ane inug ijìm: kə̀ àkə ane ibḛfiŋ, kə̀ ane ìwən ìngam ichug, kə̀ ane anug ni kyeri inug, kə̀ ane anug ni nɔ̀ŋɔ̀ fìŋ ni wètì bəd, fɔrɔ ane icheg ne mbə kɔ̀ŋɔ̀ awa. Mbə̀ bə kweg ane anug ni ya nàʼà ighi wètè bəd.

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

1 Tèsàlonikà 5:11

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

2 Tès 1:11

À ya aton ne te chàʼrà Ŋwiye mà nyumə̀ ijìm imbə̀ʼ awən gha ìwa Ŋwiye ghiyə mbə̀ ya chùghə ane ikuchèg ne wì ya kàri awən gha mbə̀ chughi. Tì we bə̀ chàʼrà Ŋwiye gha, wì ghiyə mbə̀ ya fàʼà inug chɔm mbe ne mbə̀ kə̀bi ni fàʼ, bə̀ mànì àfàʼì ze ne mbə̰ mbe fàʼà anjìm ìwən ibḛfiŋ.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

Filemɔ̀n 1:21

Mə kyèri gha icheg ne mə ŋwàʼrà anìŋ, àghò biri fàʼ kwàʼ icheg ne mə̀ kəbi, bì fàʼ chè.

Mə̀Hibrù 5:12

Mbə̰ ya kiri kə̀bə̀ gha wə̀d ndəŋ chwiti inug mbègtog imbə̀ʼ Ìngam Ŋwiye inən ne nji mbə̰ mbe se chwìte inug mbe abə bəd ndəŋ amad anìŋ. Mbə̰ mbe kiri awən icheg bɔn bɔd ne nyɔ̀ŋɔ ibən, ne nji mbə̰ fə se jə̀ghə tijəg ka ka.

Mə̀Hibrù 6:9

Ìmbum mə̀sə̀ʼ ne mə̀ kɔŋi, ka tì ya ghàmà inən anìŋ, tè kyèri gha mbə̰ biri bèrì ighi ne bɔŋi chè ne Ŋwiye biri nàʼ inən icheg ne Ŋwiye pùmni awən.

2 Pità 1:12

Ka mbə̀ jiʼì kyèri inug mbo̰ bə̀ təm kà inga tesiʼ, mə biri kiri ya wènde inug mbo̰ inən mà nyumə̀ ijìm.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.