Rm 15:1 - Ikan feg

¹ Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

Meta’

¹ Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

Rm 15:1 교차 참조

Rm 14:1

Mbə̀ niŋ bəd məjìm mbe ne ìwɔb ibḛfiŋ we bɔ̀rɔ, si ya gha, imbə̀ʼ mbə̰ si ya tàŋà awən inug tì inɔb imbə̀ʼ aghi ne mbɔb koʼi ni fàʼ kə̀ aghi ne chəyi mbɔb koʼi ni fàʼ.

Rm 14:2

Bəd mɔ̀ʼɔ bèrì ibḛfiŋ ne nàʼà apan inɔb ni jəg tiku ighi ijìm, si ya gha, wə̀d we ne chəyi ibḛfiŋ məd taŋ kà we tì wì jəg məyi igyen icheg ton.

Rm 4:20

Chəyi ibḛfiŋ məd igun Ŋwiye ya bɔri. Chəyi wì ya bə jə̀m anug ne Ŋwiye ya kàʼi ibo. Məd ya chè imbìghè ni taŋ nɔ̀ŋì ibḛfiŋ igun Ŋwiye bə̀ ya ghùmnə Ŋwiye.

1 Kɔrèn 4:10

Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

Efesùs 6:10

Ni si nwḭ̀yḛ̀, mbə̀ chughi ane ifɔti tì Anɔŋisəg ni ghì gha ika kyen məd we ne che tika ijìm we ghiyə ìwən ibḛfiŋ taŋ kà.

Fìlipì 2:4

Imbə̀ʼ wə̀d imɔʼ imɔʼ abɔ̀ʼ inən si ya nḛ̀ yi məyi inug ne bɔŋi ibo. Wì ya bə̀ nḛ̀ fɔrɔ inug ne bɔŋi abə bəd ndəŋ.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

2 Timotì 2:1

Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo.

1 Jɔn 2:14

Mə ya ŋwàʼrà anìŋ inən, ìmbum bɔn ne mə̀ taŋ kɔ̀ŋ imbə̀ʼ icheg ne mbə fə kyeri Mbaʼ. Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə bèrì ika. Ìngam Ŋwiye we bə̀ fàʼà inga inən. Mbə fə bə̀ màʼ chè Wə̀d tibɔ̀ŋ.