Rm 14:9 - Ikan feg

⁹ Ane, Kristo ya ku, Ŋwiye zwèmni aməd ni gha wì yaʼ Anɔŋisəg abə bəd ne yaʼi izɔm fɔrɔ abə bəd ne fə ku.

Meta’

⁹ Kristo nyaʼa kwɨ bə̀ wɨrɨ zwemə ɨmbə̀ʼ wɨ̀ yeʼ Ə̀nùŋɨ̀sɨg ɨgwɨ ɨvɨ bə̂d bə̀ fɔrɨ ɨgwɨ ə bə̂d mbe nɨ yeʼ ɨkǎ.

Rm 14:9 교차 참조

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Lk 24:26

Àkə chəyi Wə̀d we ne Ŋwiye zɔ̀ʼi koʼi ni zən ngəʼ ìzo̰ ijìm bɔŋ nyi inga anug ìfɔ̀n ìzḛzḛ məd?”

Jn 12:24

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Rm 10:9

Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

2 Kɔrèn 5:14

Aghi ze ne tḭ̀yḛ awa chà imbìghè ya igyendi imbə̀ʼ icheg ne Kristo kɔ̀ŋi awa. Tè kyèri ane imbə̀ʼ icheg ne wə̀d imɔʼ ya ku igun atog abə bəd məjìm. Ane, bəd məjìm fə bə̀ ku.

1 Tèsàlonikà 4:14

Tè bḛ gha Yeso ya ku bə̀ zwème. Tè bə̀ bḛ gha Ŋwiye biri niŋ bəd mbe ne fə ku ne ya bḛ Yeso ghì mbi yaʼ tì Yeso.

1 Tèsàlonikà 5:10

À ya məd ne ya ku igun ìmba itog ni ghì gha, kə̀ tì yaʼ izɔm kə̀ tì ku, anyumə̀ ne wì yèʼe, tì biri ywiri yaʼi izɔm tì məd.

2 Timotì 4:1

Timotì, mə̀ ya anìŋ ghàmà ine imbìghè abə Ŋwiye fɔrɔ imbìghè abə Yeso Kristo ne biri ghum saʼ bəd mbe ne yaʼi izɔm fɔrɔ bəd mbe ne fə ku. Icheg ne wì biri yeʼe ni tùmbì isəg mə ya anìŋ ghà ine gha:

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 4:5

Ane, mbi biri ghum mə̀tì aton ane ìtɔb tìghinùg tijìm abə Ŋwiye. À ya Ŋwiye biri saʼ bəd məjìm mbe ne yaʼi izɔm fɔrɔ bəd mbe ne ya fə ku.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 2:8

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sìmayinà gha, ‹Ìngam gho̰ nɔ̀ʼ abə wə̀d mbègtog ne bə̀ yaʼ wə̀d ne si nwḭ̀yḛ̀, ne ya ku ywìrì zwème ane iwu.