Rm 14:22 - Ikan feg

²² Ikɔndi we ne àghò beri imbə̀ʼ ighi mbo̰ ijìm, we buʼə ine tì Ŋwiye. Ŋwiye ziye àbɔrɔ̀bɔd igun wə̀d ne fàʼà inug ne fìŋ məd bḛ gha mbe kòʼ.

Meta’

²² Ənû ze nɨ à benɨ ə ten i ɨ ne mbɨ ə Ŋwiə̀. Ŋwìə̀ zɨ əbɔrəbɔd ɨgun ə bə̂d mbe nɨ chəi mbɨ zɨ ɨsaʼi ɨgun ə ɨnyod, ɨmbə̀ʼ ɨghəm nɨ mbɨə ghɨ̀ ɨnû mbe nɨ mbɨ kyerɨ ni mbɨ yɨ ɨnû nɨ kuʼnɨ.

Rm 14:22 교차 참조

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Rm 14:14

Icheg ne mə̀ yaʼi ane ifɔti tì Anɔŋisəg Yeso fə ghì mə kyeri gha chəyi iku tijəg mɔ̀ʼɔ angu ne chəyi ti zḛ imbìghè abə Ŋwiye. Si ya gha, wə̀d mɔ̀ʼɔ mə̀ kɔ̀ndi gha iku tijəg mɔ̀ʼɔ te angu ne chəyi ti zḛ imbìghè abə Ŋwiye imbə̀ʼ wì jə̀ghə yi ìtiwən.

Rm 14:2

Bəd mɔ̀ʼɔ bèrì ibḛfiŋ ne nàʼà apan inɔb ni jəg tiku ighi ijìm, si ya gha, wə̀d we ne chəyi ibḛfiŋ məd taŋ kà we tì wì jəg məyi igyen icheg ton.

Rm 14:23

Àsi wə̀d we ne jə̀mə̀, bə̀ ywìrè jə̀ghə, tengàŋ gùg anug imbə̀ʼ icheg ne chəyi we jə̀ghə tì ibḛfiŋ. Inug ijìm mbe ne chəyi wə̀d we ghìyə̀ tì ibḛfiŋ ya inug tibɔ̀ŋ.

Rm 14:5

Bəd mɔ̀ʼɔ ya nìŋə aneg mɔ̀ʼɔ gha ze taŋ bèrì aton chè mbin tì ineg. Bəd ndəŋ ya nìŋə ineg ijìm gha mbi ya andəŋ andəŋ. Wə̀d ijìm bḛ inga ìzi fìŋ gha anug ne zìye we kɔ̀ndɔ ze kòʼ.

Rm 2:1

Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Rm 7:15

Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀.

Rm 7:24

Wo wə̀d ngəʼ icheg inum! Àkə we biri chì amə inga nyàmnyɔd inug tibɔ̀ŋ ìzo̰ ne zwète mə?

1 Kɔrèn 8:7

Si ya gha, chəyi wə̀d ijìm kyèri anug azo̰. Bəd mɔ̀ʼɔ mbe angu ne ya fə mə̀ri tì anug mə̀ŋwiye. Mbɔb mbe kiri gha anyumə̀ ne mbɔb mbe jə̀ghə tijəg te ne mbi jə mə̀ŋwiye gha, à ya aghi àfàtì abə mə̀ŋwiye. Ane, icheg ne ìtɔb fìŋ te sàʼa awɔb, mbɔb mbe kɔ̀ndɔ gha chəyi mbɔb zḛ.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Jems 3:13

Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

1 Jɔn 3:21

Ìmbum mə̀sə̀ʼ ne mə̀ taŋ kɔ̀ŋ, àmə chəyi ìta fìŋ te sàʼa awa inga, tì kyeri gha tì we tì tì təm imbìghè abə Ŋwiye ne chəyi te bìnde.