Rm 14:19 - Ikan feg

¹⁹ Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Meta’

¹⁹ Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

Rm 14:19 교차 참조

Matìyò 5:9

Ŋwiye zì àbɔrɔ̀bɔd igun bəd mbe ne ghìyə̀ gha bəd chughi ane àbɔrɔ̀bɔd, imbə̀ʼ icheg ne Ŋwiye biri kàrì awɔb ane ìmbi bɔn.

Mk 9:50

Fìngwaŋ bɔ̀ŋ, si ya gha, à mə̀ chəyi fe ywìrè nə̀mə̀, tì àghò tangi gha fe ywìrì nə̀m? Mbə̰ ya icheg fìngwaŋ. Ane, mbə̀ chughi ane àbɔrɔ̀bɔd tì ìmbən məfi.”

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

Rm 15:2

Wə̀d imɔʼ imɔʼ abɔ̀ʼ ina kirə ika ni ya ghìyə̀ yaʼ inug ne bɔŋi abə mə̀mbin. Àze biri ghì gha ibḛfiŋ taŋ kà abə mə̀mbin.

1 Kɔrèn 10:23

Bəd mɔ̀ʼɔ mbe gha, “Tì we tì tì ghi inug ijìm.” Si ya gha, kayi inug mbe ijìm ne biri wètì awa. “Tì we tì tì ghi inug ijìm,” si ya gha, kayi inug ijìm mbe ghìyə̀ ibḛfiŋ wə̀d tə̀mə kà.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

1 Kɔrèn 14:3

Si ya gha, bəd mbe ne ghà ikən Ŋwiye ya ghàmà abə bəd ni nə̀rì ìtɔb fìŋ bə̀ ghìyə̀ gha mbe təm kà bə̀ ghì gha ìtɔb fìŋ zutə.

1 Kɔrèn 14:4

Bəd mbe ne ghàmà tìngam iben ndəŋ ya wètè məyi ìwɔb nyɔd ni təm kà. Àsi bəd mbe ne ghà ikən Ŋwiye, mbɔb ya wètè ifeti bəd Kristo ijìm gha we təm kà.

1 Kɔrèn 14:5

Mə kɔ̀ŋ gha mbə̰ məjìm ya ghàmà ane tìngam iben ndəŋ. Si ya gha, anug ne mə̀ taŋ kɔ̀ŋ ya gha mbə̀ ya ghà ikən Ŋwiye. Ze bɔ̀ŋ ane imbə̀ʼ icheg ne wə̀d ne ghà ikən Ŋwiye wè chè wə̀d ne ghàmà tìngam iben ndəŋ, kirənde wə̀d mɔ̀ʼɔ we angu ni tòʼrì anug ze ne məd we ghà ni ghì gha ifeti bəd Ŋwiye ijìm we təm kà.

1 Kɔrèn 7:15

Àmə yaʼ aghi ne wə̀d ne kayi wə̀d Kristo kɔ̀ŋi ni sàkì inam, ghò yi, mbe saŋa aməd wì gho yi. Ìywin tì wə̀d bèrì apan ni ywiri nam yi. Ŋwiye kɔ̀ŋ gha bəd chughi ane àbɔrɔ̀bɔd.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Efesùs 4:29

Imbə̀ʼ mbə̰ ghama awən ìngam tibɔ̀ŋ. Mbə̀ ghama yaʼ tìngam chɔm ne biri ghì mbə kweg, bəd ndəŋ ne biri zug tìngam te bə̀ kweg.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

1 Pità 3:11

Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.