Rm 14:17 - Ikan feg

¹⁷ Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Meta’

¹⁷ Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 14:17 교차 참조

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 6:33

Mbə̀ fə bi kə̀b yaʼ anug ìfɔ̀n məd bə̀ ya ghìyə̀ inug ne koʼi, ane wì biri si nàʼ ighi mbo̰ ijìm inən.

Lk 14:15

Wə̀d mɔ̀ʼɔ abɔ̀ʼ bəd mbe ne yaya jə̀ghə tì Yeso ya zug anug ne Yeso gha, si gha, “Ŋwiye biri zì àbɔrɔ̀bɔd igun bəd mbe ne biri jəg iteri inga anug ìfɔ̀n Məd.”

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Ɨ̀fàʼì 13:52

Si ya gha, bəd mbe a Antìyɔ̀g ne ya zi ibḛfiŋ igun Kristo ya taŋ gyen. Azwighi Ŋwiye ya bə̀ taŋ swe awɔb.

Ɨ̀fàʼì 9:31

Anyumə̀ we, tifeti bəd Kristo tijìm te ne yaʼi a Jùdeyà fɔrɔ Galìli fɔrɔ Sàmarìyà ya yaʼ ane àbɔrɔ̀bɔd. Bəd mbe ne ya bḛ ikən chɔm yaya ghùmnə Anɔŋisəg. Azwighi Ŋwiye yaya wètè bəd mbe ne ya bḛ Kristo ni ghì gha mbe təm kà. Ìwɔb inɔ̰ yaya kwèghe ghò gho imbìghè.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 4:20

Anug ìfɔ̀n Ŋwiye ya kayi məyi ìngam ichug. À ya anug imbə̀ʼ ika ni ghì inug mbe ne Ŋwiye kə̀bi.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

1 Kɔrèn 8:8

Tesiʼ ya gha, kayi tijəg te biri ghì gha tì yaʼ bəd chɔm imbìghè abə Ŋwiye. Chəyi tì biri nim aghi mɔ̀ʼɔ anyumə̀ ne chəyi tì jəghi tijəg te. Chəyi tì biri bə bèrì chùd mɔ̀ʼɔ anyumə̀ ne tì jəghi tijəg te.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Fìlipì 2:1

Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Fìlipì 4:4

Mbə̀ ya gyènde mà nyumə̀ ijìm icheg ne mbə̀ yaʼi ane ifɔti tì Anɔŋisəg. Mə ya anìŋ ywìrè taŋ ghà gha, mbə̀ ya gyènde!

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

Kòlosè 1:11

Ŋwiye we ne beri ika ne che tika ijìm fə ghì gha mbə̀ beri ika ne ya nyìʼè fìŋ inga nyùmə̀ ngəʼ. Wì fə bə̀ ghì gha, mbə̀ beri inyimbifiŋ, se gyènde,

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.