Rm 14:15 - Ikan feg

¹⁵ Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.

Meta’

¹⁵ Əghɨ ze nɨ àwɔ̀ ə jɨgə mɨ yeʼə tɔb we aŋgɔb, njɨ zɨə chwi ni chəi àwɔ̀ ə wɨrɨə ghɨ̀ ɨnû mbɨ ɨghaʼi. Tɨrə̀ ben e ni əghɨ ze nɨ àwɔ̀ ə jɨg ə nimnɨ ɨbenɨ wə̀d mɔʼɔ we nɨ Kristo nyaʼa kwɨ ɨgwɨ ətu əməd.

Rm 14:15 교차 참조

Rm 13:10

Àghò mə kɔ̀ŋ wə̀d, chəyi tì àghò ghì anug tibɔ̀ŋ abə tengàŋ. Ane, ni nɔ̀ŋì mə̀nɔ̀ʼɔ̀ Muse ya ni kɔ̀ŋ bəd.

Rm 14:20

Imbə̀ʼ mbə̰ chìkì awən àfàʼì Ŋwiye anjìm tijəg. Tijəg ijìm bɔ̀ŋ, si ya gha, chəyi ze bɔŋi ni jəg aghi ne biri ghì wə̀d ndəŋ gùg anug.

Rm 15:2

Wə̀d imɔʼ imɔʼ abɔ̀ʼ ina kirə ika ni ya ghìyə̀ yaʼ inug ne bɔŋi abə mə̀mbin. Àze biri ghì gha ibḛfiŋ taŋ kà abə mə̀mbin.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

2 Pità 2:1

Bədkə̀n ne ghà inug ako ya yaʼ abɔ̀ʼ bəd Ŋwiye a mbègtog. À ya ane ne mə̀chwitinùg ako biri bə̀ yaʼ abɔ̀ʼ inən. Mbɔb biri chì tiwe chwìti inug ako ne chìkə̀ bəd Kristo. Mbɔb biri ton awɔb fɔrɔ Anɔŋisəg we ne zeri awɔb. Mbi biri ghì ane, ngəʼ kyen nyi igun inɔb.

1 Jɔn 2:2

Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.