Rm 13:7 - Ikan feg

⁷ Mbə̀ naʼa ighi bəd mbe ne mbə̰ mbe nyìme ìmbɔb ighi. Àmə yaʼ tag, mbə̀ naʼa, kə̀ àkə ikab, mbə̀ naʼa. Àmə yaʼ bəd mbe ne mbə̀ beri ni ghumni awɔb, mbə̀ ghumni.

Meta’

⁷ Mbə̀ naʼ ɨghɨ əmbɨ ə bə̂d mbe nɨ mbə̀ berɨ nɨ naʼ əmbɨ mɨ̀mə̌d. Mbə̀ maʼ mɨ̀tagsɨ̀ əmbɨ ə bə̂d mbe nɨə fetɨ mɨ̀tagsɨ̀. Mbə̀ chwɨ mɨ̀tagsɨ̀ ɨgwɨ ɨghɨ mbe nɨ mbə berɨ əmbɨ ə bə̂d mbe nɨ mbɨə chwɨ əmbɨ mɨ̀mə̌d. Mbə̀ bɔ bə̂d mbe nɨ mbə̀ berɨ nɨ bɔ, bə̀ wumnɨ mbe nɨ mbə̀ berɨ nɨ wumnɨ.

Rm 13:7 교차 참조

Matìyò 17:25

Pità ya bḛ gha, “E! Məd we nàʼà tag mbàn Ŋwiye.” Anyumə̀ ne Pità ya gho pè nyi inga nəb, Yeso ya ghàm ibo bìri gha, “Sayimùn, àghò kɔ̀ndi gha? Məfɔn mbe igun isəg kə nìŋə ikab ighi iywin kə̀ ikab mə̀tag abə mə̀we? Mbɔb kə nìŋə abə ìmbɔb bəd aben kə̀ abə bəd tìsɔ̀ʼ?”

Matìyò 22:21

Mbɔb ya ywìtì gha, “À ya ìwi Kayisà.” Yeso ya ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.”

Mk 12:17

Yeso ya ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.” Mbi ya taŋ yeti icheg ne wì ya ywìti ìngam we angu.

Lk 20:22

Ìmba mə̀nɔ̀ʼɔ̀ wa chwi gha tè naʼa tag abə Kayisà kə chəyi? Gha ina.”

Lk 20:25

Yeso ya si ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.”

Lk 23:2

Mbɔb ya ko gu zì isaʼi igun məd gha, “Tè gwì wə̀d gho̰ ne we zìyè àbùrì inga aben. Wì gha imbə̀ʼ bəd naʼa awɔb mə̀tag abə Kayisà. Wì bə̀ ywìrì gha, zi ya Wə̀d we ne Ŋwiye zɔ̀ʼi, bə̀ yaʼ ifɔn.”

Rm 12:10

Wə̀d ijìm ya kɔ̀ŋɔ̀ ìmbi məfi fɔrɔ ìti njàbi kwàʼ icheg ne wì kɔ̀ŋi ìzi nyàmnyɔd. Wə̀d ijìm ya ghùmnə ìmbi məfi fɔrɔ ìti njàbi chè icheg ne we ghùmnə ìwi nyɔd.

Rm 13:6

À ya bə̀ aton ne mbə̀ koʼi ni ya nàʼà mə̀tag imbə̀ʼ icheg ne itog bəd mbo̰ ya fàʼà abə Ŋwiye icheg ne mbe tùmbə̀ aben ane fìŋ ijìm.

Efesùs 5:33

Ane, wə̀d imɔʼ imɔʼ abɔ̀ʼ inən ya kɔ̀ŋɔ̀ ìwi iweg icheg ne wì kɔ̀ŋi ìwi nyɔd. Àyi bèrì ni ya bə̀ ghùmnə ìwi inɔm.

Efesùs 6:5

Ìbòʼì, mbə̀ ya zùgrə ìmbən mə̀mbaʼ àfàʼì igun isəg. Mbə̀ taŋ gùndi aseg ghùmni awɔb ane fìŋ ijìm bə̀ kwàʼ icheg ne mbə̰ mbe ghùmnə Kristo.

1 Timotì 5:13

Kayi məyi aze, mbi biri kwembi anug ni ghì igwed. Mbi biri bə ko ŋa nyìte nəb. Kayi məyi anug ni ghì igwed, mbi biri ko ŋa ghìyə̀ mbinìghe bə̀ ko se zìyè ichug inga inug mbe ne chəyi mbi zi awɔb. Mbi biri bə ko se ghà inug ne chəyi mbi kə beri ni ghà.

1 Timotì 5:17

Àghò nḛ gha bəd mbe nàʼà ighumni abə itog bəd mbe ne chà ifeti bəd Kristo bə̀ taŋ nàʼà ìwɔb ichɔʼ àfàʼì inɔb, ako ako ya bəd mbe ne taŋ fàʼà ni ghà Ìngam Ŋwiye bə̀ fɔrɔ ni chwìti inug imbə̀ʼ Kristo abə bəd.

1 Timotì 6:1

Bəd Kristo mbe ne yaʼi ìbòʼì bèrì ni ya taŋ ghùmnə ìmbɔb mə̀mbaʼ àfàʼì ni ghì gha imbə̀ʼ bəd mbe ne chəyi mbi bḛ Kristo si nɔ̀ʼ bèrì anug tibɔ̀ŋ mɔ̀ʼɔ ni ghàm imbə̀ʼ Ŋwiye fɔrɔ imbə̀ʼ ikən chɔm we ne te chwìte.

1 Pità 3:7

Mbaŋà, à ya bə̀ ane ne mbə̀ beri ni chughi ane ikuchèg ne koʼi tì ìmbən mə̀yi, ya nyìmbe fìŋ tì inɔb. Mbə̀ ya ghìyə̀ ane imbə̀ʼ icheg ne mbə̰ kyeri gha mbɔb bɔd chè awən. Mbə̀ ghumni awɔb imbə̀ʼ icheg ne mbɔb bə̀ bèrì ati abɔ̀ʼ inən ni jəg ìtḛ̀ we ne Ŋwiye ghi ìchɔ̀mì nàʼ. Mbə̀ ya ghìyə̀ ane ni gha imbə̀ʼ anug mɔ̀ʼɔ nɔ̀ʼ kən ìwən ichaʼri Ŋwiye.