Rm 12:3 - Ikan feg

³ Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

Meta’

³ Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

Rm 12:3 교차 참조

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 11:20

À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 7:17

Wə̀d imɔʼ imɔʼ chughi məyi icheg ne Anɔŋisəg ghi gha wì chughi. Wì bə chughi məyi kwàʼ icheg ne Ŋwiye ya kàri aməd. Àzo̰ ya ikə ne mə nàʼà abə tifeti bəd Kristo tijìm.

2 Kɔrèn 10:13

Àsi awa, chəyi tì biri kɔ̀m igo chè icheg ne tì tì kɔm. Tì mə kə̀b ni kɔ̀m igo, tì biri kɔ̀m yaʼ imbə̀ʼ àfàʼì ze ne Ŋwiye zi ina ikye abo. Àfàʼì ze ya bə̀ fɔrɔ ni fàʼ inən.

2 Kɔrèn 12:13

Aton ne mbə̀ kɔndi gha tifeti bəd Kristo ndəŋ bèrì ati chè awən àkə gha? Chèyi gha chəyi mə̀ ya yaʼi icheg mbèʼ igun. Àze mə bə, mbə̀ waʼ àmə anug tibɔ̀ŋ.

2 Kɔrèn 12:7

Ŋwiye ya sàŋì gha Sàtàn ziye aghɔn igun inum ni ghì gha imbə̀ʼ mə nɔ̀ʼ ya nɔ̀ nyɔd imbə̀ʼ iyeti inug kyen kyen mbe ne Ŋwiye ya chwi inum.

Gàlesìyà 6:3

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Efesùs 3:2

Mə kyèri gha mbə fə zug àfàʼì ze ne Ŋwiye chɔ̀ʼi amə nàʼ inum. Wì ya chɔʼ amə gha mə̀ chete inug imbə̀ʼ ìchɔ̀mì we ne wì ghi inən.

Efesùs 3:4

Mbə̰ mə̀ fɔŋ inug mbo̰ ne mə̀ ŋwaʼri, ìmbən itog biri zen imbə̀ʼ inug mbe ne yaʼi inə̀mbi imbə̀ʼ Kristo ne mə̀ kyeri.

Efesùs 4:16

Kristo ghì isiŋi nyɔd ijìm fɔtɔ si yaʼ nyàmnyɔd imɔʼ. Tinḭ ka ka nyìmi isiŋi nyɔd ijìm fɔ̀ti. Asiŋi nyɔd amɔʼ mə̀ ya fàʼà icheg chɔm bə̀ kɔ̀ŋɔ̀ mbin tì isiŋi nyɔd, isiŋi nyɔd ijìm biri se kwèghe ghò imbìghè.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Kòlosè 2:13

Chəyi mbi ya kiri ŋwed ìtən nyàmnyɔd anyumə̀ we ne mbə yaya kiri iwu bəd anjìm ìmbən inug tibɔ̀ŋ. Si ya gha, Ŋwiye ya ghì mbə si bèrì ìtḛ̀ feg icheg ne mbə̀ yaʼi ane ifɔti tì Kristo. Wì ya waʼ ìmba inug tibɔ̀ŋ mba məjìm.

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

1 Timotì 2:15

Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.

1 Timotì 2:9

Mə bə̀ kə̀b gha mə̀yi ya zìyè ndwi ne koʼi koʼi ne nàʼà ighumni abə Ŋwiye. Imbə̀ʼ mə̀yi nɔ̀ŋɔ̀ awɔb ìtɔb fìŋ ane: anug ni baʼ itog tìngì ighi ngwèn angu kə̀ ane anug ni zì ndəŋ tì məkàrà ne mbi tangi ane gol kə̀ mə̀pə kə̀ ane anug ni zì ndwi àka inun.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Tayitùs 2:2

Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Tayitùs 2:4

Mbɔb mə̀ ghì ane, mbɔb biri chwiti abə kàŋ mə̀yi bɔd gha mbe ya kɔ̀ŋɔ̀ ìmbɔb mənɔm tì ìmbɔb bɔn.

Tayitùs 2:6

Àghò bə kə mbaŋà bɔd gha mbe nyimbi ìwɔb nyɔd.

Jems 4:6

Si ya gha, Ŋwiye ghì ìchɔ̀mì ina ni gha tì təm kà chè inug tibɔ̀ŋ. A ze inga Àŋwàʼrì Ŋwiye gha: “Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.”

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

1 Pità 5:5

Ngwàʼ bɔd, mbə̀ ya zùgrə bəd kyen. Mbə̀ swi ìwən nyɔd aseg, fàʼ tì məfi mbin. A ze inga Àŋwàʼrì Ŋwiye gha: Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

3 Jɔn 1:9

Mə ya chà àŋwàʼrì mɔ̀ʼɔ abə ifeti bəd Kristo, si ya gha, Dìyotrefès ne kɔ̀ŋɔ̀ ni nɔ̀ nyɔd, chəyi wì kə̀bi ni bḛ anug ne mə ghà.