Rm 12:13 - Ikan feg

¹³ Mbə̀ ya wètè bəd Ŋwiye ni nàʼ ighi mbe ne chəyi mbɔb beri inɔb. Mbə̀ ya nìŋə bəd tìsɔ̀ʼ mbe ne yaʼi abɔ̀ʼ inən.

Meta’

¹³ Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Rm 12:13 교차 참조

Matìyò 25:35

Mə gha mbə̀ yeʼe jəg anug ìfɔ̀n imbə̀ʼ icheg ne: Njèg yaya zàŋa mə, mbə nàʼ ighijəg inum. Adɔʼ mənib yaya ko amə, mbə nàʼ mənib inum. Mə ya yaʼ wə̀d tìsɔ̀ʼ, mbə̀ niŋ amə inga ìtən nəb.

Ɨ̀fàʼì 10:4

Kònilìyùs ya nèn angirə̀ we, kəm, ibɔ gwì, wì si bìri ibo gha, “Masà, àkə aghə?” Angirə̀ we ya ywìtì ibo gha, “Ŋwiye we taŋ gyènde imbə̀ʼ awe imbə̀ʼ icheg ne àghò we chàʼrà Ŋwiye fɔrɔ imbə̀ʼ àwètì ze ne àghò we nàʼà abə bəd ne chəyi àzɔb. Ane, wì biri nàʼ iywiti ichug ine ane ìwe ichaʼri Ŋwiye.

Ɨ̀fàʼì 4:35

Mbi yaya nìŋə ikab we pè nɔ̀ŋɔ̀ imbìghè abə bədtɔm Kristo. Bədtɔm Kristo yaya se ghàpà ighi abə bəd icheg ne wə̀d imɔʼ imɔʼ kòʼi ni bèri.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 16:15

Ìmbum məfi fɔrɔ ìtum njàbi, mbə kyèri gha bəd mbègtog ne ya bḛ Kristo a Akìyà ya inəbi Stèfanàs. Mbə̰ bə̀ kyèri gha mbɔb ya fə zì atog ni wètì bəd Ŋwiye. Ane, mə boʼ ibo inən gha,

2 Kɔrèn 9:1

Chəyi ywìrè jiʼe aton mɔ̀ʼɔ inum ni chà àŋwàʼrì inən ni ghàm imbə̀ʼ anug ne nàʼ àwètì abə bəd Ŋwiye mbe a Jèrusalèm.

2 Kɔrèn 9:12

Ane, ighi ne mbə biri nàʼ biri fàʼ inug ibe: Mbi biri ghì bəd ne chəyi mbi kə beri mbi bèrì, bə̀ ghì bəd se nàʼà məyakà abə Ŋwiye ane igyendi.

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Tayitùs 3:14

Ìmba bəd mənyìʼ nàni icheg ni ya zìyè atog ghìyə̀ inug chɔm. Mbɔb mə̀ ya ghìyə̀ ane mbɔb biri wètì bəd ndəŋ. Ane, chəyi mbɔb biri yaʼ icheg bəd ne chəyi aghi niŋi ane inɔb.

Filemɔ̀n 1:7

Ìmə ifi, icheg ne àghò we kɔ̀ŋɔ̀ bəd Kristo angu fə nəri ìmə fìŋ bə̀ ghì mə se gyènde. Mə ya gyènde imbə̀ʼ icheg ne àghò fə ghì fìŋ abə bəd Ŋwiye zùtì.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

Mə̀Hibrù 13:2

Imbə̀ʼ mbə̰ waʼ awən anug ni ya nìŋə bəd tìsɔ̀ʼ inga ìmbən ichan. À ya ane ne bəd mɔ̀ʼɔ ya ghi, niŋ mbè angirə̀ inga ìtɔb nəb ne chəyi mbi ya kyeri gha à ya mbè angirə̀.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Pità 4:9

Mbə̀ niŋ bəd inga ìmbən ichan ane fìŋ ifibì.

1 Jɔn 3:17

Wə̀d ne beri ighi ne chəyi wì ya wètè bəd ne chəyi àzɔb, chəyi tì tengàŋ gha zìye kɔ̀ŋ Ŋwiye.

3 Jɔn 1:5

Ìmə ifi ne mə̀ taŋ kɔ̀ŋ, àghò we taŋ fàʼà ane ìze fìŋ ijìm icheg ne àghò we taŋ ghìyə̀ inug chɔm abə bəd Kristo fɔrɔ abə mbe ne chəyi àghò bi kyèri awɔb.