Rm 11:22 - Ikan feg

²² Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Meta’

²² Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m bə̀ tɔə. Ɨ wɨə tɔ əmbɨ ə bə̂d mbe nɨə gù ənû, àyɨə ɨ wɨə ghɨ̀ ɨ̀chɔ̀m ənɨ ə nən, əne mbə̀ chub àmei ɨŋga ɨ̀chɔ̀m məd. Mbə mɨ ton ghɨ ə əne, wɨ̀ bɨrɨ bɨ sob əwən waʼ.

Rm 11:22 교차 참조

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Jn 8:31

Yeso ya ghà abə mə̀Ju mbe ne ya zi ibḛfiŋ igun məd gha, “Mbə̰ mə̀ nyimi ìmə ìngam, mbə biri yaʼ kwàʼ ìmbum mə̀mə̀nənùg.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Rm 11:21

Àmə chəyi Ŋwiye ya sàŋi tìtab mbègtog te gha te chughi, nji chəyi wì biri bə̀ sàŋì awən.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

1 Kɔrèn 15:2

Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

1 Tèsàlonikà 3:5

À ya aton ne mə̀ ya cha Timotì gha wì yeʼe nwendi icheg ne ìwən ibḛfiŋ igun Yeso yaʼi. Chəyi tì mə ya ywìrì nyìʼ. Mə yaya bɔ gha imbə̀ʼ wə̀d we ne kwàʼrà bəd nɔ̀ʼ kwàʼrì awən ghì àza àfàʼì inən ze chè ako.

1 Tèsàlonikà 3:8

Amad anìŋ ne tì kyeri gha ìwən ibḛfiŋ igun Anɔŋisəg we təm kà, ìta fìŋ fə zùtì.

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

Ɨnû 2:5

Ane, kɔndi icheg ne àghò ya bi yaʼ bɔŋ se bə̀ndə̀ anjìm! Bə̀ŋə ìze fìŋ se ywìrè ghìyə̀ inug mbe ne àghò yaya bè ghìyə̀ a mbègtog. Àghò mə ton awe ni kɔpɔ, mə biri yeʼe ine, pè chì atən anam ze ne àghò we nɔ̀ŋɔ̀ àze anam igun.