Rm 11:20 - Ikan feg

²⁰ À ya kwàʼ tesiʼ, si ya gha, aton ne mbi ya sɔbi awɔb icheg tìtab chì ya imbə̀ʼ icheg ne chəyi mbɔb ya nɔŋi ibḛfiŋ igun Kristo. Àsi awən, mbə̀ nyimi ìwən ibḛfiŋ icheg chɔm. Imbə̀ʼ mbə̰ nɔrɔ awən nyɔd. Mbə̰ ya se bèrè yaʼ ibɔ ane anug ne tì ze dù.

Meta’

²⁰ Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 11:20 교차 참조

Lk 18:14

Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Ɨ̀fàʼì 18:6

Si ya gha, mbi yaya to̰ awɔb ìngam we ne wì yaya ghà, bə̀ ko se zɔ̀mbɔ̀ aməd. Wì ya kùd ìzi njìm ghà inɔb gha, “Ndɔ̀n biri nyi məyi igun inən! Ìmbum ibo fə zen. Nɔ̀ʼ tèchɔ̀ŋ, mə biri ghò abə bəd mbe ne kayi mə̀Ju”.

Rm 11:18

Imbə̀ʼ mbə̰ nyete awən bəd mbe ne mbi ya sɔbi awɔb chì icheg fìtab. Aton ne mbə̰ nɔ̀rɔ̀ nyɔd àkə gha? Mbə̀ kyeri gha mbə̰ ya icheg tìtab. Kayi mbə̰ mbe nyìme ighaŋ azed. À ya ighaŋ azed mbe nyìme awən.

Rm 11:21

Àmə chəyi Ŋwiye ya sàŋi tìtab mbègtog te gha te chughi, nji chəyi wì biri bə̀ sàŋì awən.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

Rm 3:3

Si ya gha, chəyi bəd mɔ̀ʼɔ abɔ̀ʼ inən mbe fàʼà anug ne mbi beri ni fàʼ abə Ŋwiye. Ane, Ŋwiye wa biri ton ni fàʼ anug ne wì ya fə nɔŋi gha zìye biri fàʼ?

1 Kɔrèn 10:12

Ane, wə̀d we ne kɔ̀ndɔ gha zìye təm kà, wì we yi imbə̀ʼ wì nɔ̀ʼ gùg.

1 Kɔrèn 15:1

Ìmbum məfi fɔrɔ ìtum njàbi, anug ne mə̀ kəbi ni wendi inən amad anìŋ ya anug imbə̀ʼ ikən chɔm we ne mə̀ ya gha inən. Mbə̰ ya zug bḛ bə̀ təm kà igun.

1 Kɔrèn 16:13

Mbə̀ we awən bə̀ nɔ̀ŋì ibḛfiŋ ne ka igun Kristo. Imbə̀ʼ mbə̰ bɔ awən. Mbə təm kà.

2 Kɔrèn 1:24

Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Kòlosè 2:7

Mbə̀ bə chè imbìghè ni kweg inga anug Kristo, àzən aghaŋ inga Yeso təm kà. Ìwən ibḛfiŋ igun Yeso bə təm kà kwàʼ icheg ne mbi ya chwiti inən. Mbə̀ ya taŋ nàʼà məyakà abə Ŋwiye mà nyumə̀ ijìm.

2 Tès 2:4

Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Mə̀Hibrù 3:19

Ane, tè bàd gha chəyi tì mbɔb ya nyi inga asiŋi àzwètì ze imbə̀ʼ icheg ne chəyi mbi ya bḛ Ŋwiye.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 4:6

Anug ze ze kiri chwiyè gha bəd mɔ̀ʼɔ biri nyi inga asiŋi àzwètì ze, ne bəd mbègtog mbe ne ya zughi ikən gho̰ ya sami ni nyi inga imbə̀ʼ icheg ne mbi ya ghì tìzughə̀ abə Ŋwiye.

Jems 2:19

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

Jems 4:6

Si ya gha, Ŋwiye ghì ìchɔ̀mì ina ni gha tì təm kà chè inug tibɔ̀ŋ. A ze inga Àŋwàʼrì Ŋwiye gha: “Ŋwiye ya to̰ bəd mbe ne nɔ̀ nyɔd, se ghìyə̀ ìchɔ̀mì yaʼ abə bəd mbe ne swìye ìwɔb nyɔd aseg.”

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

1 Pità 5:9

Imbə̀ʼ mbə̰ bḛ awən gha ìwən ibḛfiŋ we bɔd. Mbə̀ paŋa ìwən nyɔd ibo ikye abo. Mbə̀ kyeri gha ìmbən məfi fɔrɔ ìtən njàbi inga isəg ijìm ne mbə̀ yaʼ ane ifɔti tì Kristo, mbɔb mbe bə̀ chè inga tiku ngəʼ ìto̰.

Ɨnû 18:7

Məd yaya tə̀rə̀ yi bə̀ tàra ìwi nyɔd inga ighi. Ane, mbə̀ taŋ chə aməd bə̀ ghì wì se sɔ̀mnɔ̀. Məd we ghà inga ìzi fìŋ gha, ‹Mo ya àyi ne yaʼi ifɔn. Mo kayi iku-àyi. Ane, chəyi mə̀ biri nɔʼ dèg!›

Ɨnû 3:17

Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.