Rm 11:14 - Ikan feg

¹⁴ Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

Meta’

¹⁴ ɨmbə̀ʼ mbɨ bɔŋgɔb mɨ̀Jû ghɨ ə̀dìì əne ghɨ̀ mə chɨ mbɨ mɔʼɔ rəŋgəʼ.

Rm 11:14 교차 참조

Rm 10:19

Si mə ywiri bìri inən, àkə chəyi məIzre ya taŋ kyèri ikən chɔm we? Mbɔb ya kyeri imbə̀ʼ icheg ne Muse ya wə̀d mbègtog ne ya gha, “Ŋwiye we ghà gha zìye biri zì àbɔrɔ̀bɔd igun bəd mbe ne kayi aben kyen, ni ghì gha mbə̀ se ghìyə̀ ìdɔ̀b igun inɔb. Mbə̰ biri se gàŋa imbə̀ʼ icheg ne mə̀ biri zì àbɔrɔ̀bɔd igun bəd ne kayi mə̀Ju, ne mbə̰ mbe kɔ̀ndɔ gha à ya inen.”

Rm 11:11

Mə we ywìrè bìre gha, mə̀Ju wa tə̀ngə̀ gùg ane icheg ne chəyi tì mbi ywìrì nɔ̀ʼ? Indèʼ ka! Kayi ane imbə̀ʼ icheg ne mbi ya ghì inug tibɔ̀ŋ, Ŋwiye si ghì bəd ne kayi mə̀Ju mbi pum ni ghì gha mə̀Ju se ghìyə̀ àdeg.

Rm 9:3

Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 10:33

Mə ya kə̀bə̀ iku icheg ijìm ni ghì inug ane icheg ne koʼi abə bəd məjìm. Kayi mə ghìyə̀ məyi anug ne bɔŋi inum. Mə ya ghìyə̀ yaʼ anug ne biri bɔ̀ŋ fɔrɔ abə mə̀mbin, ni ghì gha mbe pum.

1 Kɔrèn 7:16

Àyi, àghò kyeri gha ighəm mɔ̀ʼɔ à ya àghò biri ghum pumni ìwe inɔm. Àghò mbaŋà, bə kyèri gha ighəm mɔ̀ʼɔ à ya àghò biri ghum pumni ìwe iweg.

1 Timotì 1:15

Ajiʼi anug ne wə̀d ijìm kòʼi ni niŋ ya gha; Yeso Kristo ya yeʼe igun isəg ni pumni bəd inug tibɔ̀ŋ. Inga bəd inug tibɔ̀ŋ məjìm, mo ya wə̀d ne bə chè.

1 Timotì 2:4

Ŋwiye we kə̀bə̀ gha bəd məjìm kyeri tesiʼ pum.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Filemɔ̀n 1:12

Mə ya anìŋ ywìrè chà aməd ine. Ìmə fìŋ ijìm ze igun məd.

Mə̀Hibrù 1:14

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Jems 5:20

Mbə̀ wendi gha, wə̀d ne wèti wə̀d ne fèbè, wì biri chì aməd ichug iwu. Ane, Ŋwiye biri waʼ inug tibɔ̀ŋ nɔʼ nɔʼ abə wə̀d we ne kə̀ febe.