Rm 10:9 - Ikan feg

⁹ Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

Meta’

⁹ À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Rm 10:9 교차 참조

Lk 12:8

Mə ghà tesiʼ inən, bəd ne bḛ asaŋ asaŋ gha mbɔb ya ìmbum bəd, Ŋwan Wə̀d biri bə bḛ awɔb imbìghè abə mbè angirə̀ Ŋwiye.

Jn 9:22

Mbaʼ məd tì ngɔb məd ya ghàm anìŋ imbə̀ʼ icheg ne mbi yaya bɔ itog bəd mə̀Ju. Itog bəd mə̀Ju ya fə sìb gha, wə̀d ne biri bḛ gha, Yeso ya Wə̀d we ne Ŋwiye zɔ̀ʼi, mbi biri kamni aməd chì inga ichamì Ŋwiye.

Ɨ̀fàʼì 16:31

Mbi ya ywìtì ibo gha, “Nɔ̀ŋɔ fìŋ igun Anɔŋisəg Yeso, àghò biri pum, àghò tì bəd məjìm mbe ne yaʼi ine inga nəb.”

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Ɨ̀fàʼì 8:36

Icheg ne mbi yaya yḛ̀ ghò igun inɔnjì we, mbi ya pè ane asiŋi mɔ̀ʼɔ ne igyi ya yaʼi angu. Ane, wə̀d kyen we ya ghà abə Filip gha, “Nḛ! Mənib mbo̰. Aghi ne tì ze ghì gha imbə̀ʼ àghò naʼa awe mənib inum àkə aghə?” [

Rm 10:10

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

Rm 14:11

A ze inga Àŋwàʼrì Ŋwiye gha, “Anɔŋisəg gha, Mo ya Ŋwiye ne yaʼi izɔm, ane, wə̀d ijìm biri gɔ̀m itog inwḭ aseg ghùmni amə, wə̀d ijìm biri bə bḛ gha mo ya Ŋwiye.”

Rm 14:9

Ane, Kristo ya ku, Ŋwiye zwèmni aməd ni gha wì yaʼ Anɔŋisəg abə bəd ne yaʼi izɔm fɔrɔ abə bəd ne fə ku.

Rm 4:24

À ya fɔrɔ ina, mba mbe ne nɔŋi ibḛfiŋ igun məd we ne ya zwemne Yeso, ìwa Anɔŋisəg ane iwu.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

1 Kɔrèn 12:3

Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

Fìlipì 2:11

Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Jɔn 4:15

Wə̀d ne bḛ gha Yeso ya Ŋwan Ŋwiye, Ŋwiye biri yaʼ ane ifɔti tì məd, məd bə̀ yaʼ ane ifɔti tì Ŋwiye.

2 Jɔn 1:7

Bəd nɔʼ nɔʼ ne tàmba bəd fə sàkà igun isəg. Chəyi mbɔb mbe bḛ gha Yeso Kristo ya yeʼe igun isəg icheg wə̀d-aku. Tiku bəd te ya bəd mbe ne tàmba bəd. Mbɔb ya bəd ìpàb Kristo.