Rm 10:19 - Ikan feg

¹⁹ Si mə ywiri bìri inən, àkə chəyi məIzre ya taŋ kyèri ikən chɔm we? Mbɔb ya kyeri imbə̀ʼ icheg ne Muse ya wə̀d mbègtog ne ya gha, “Ŋwiye we ghà gha zìye biri zì àbɔrɔ̀bɔd igun bəd mbe ne kayi aben kyen, ni ghì gha mbə̀ se ghìyə̀ ìdɔ̀b igun inɔb. Mbə̰ biri se gàŋa imbə̀ʼ icheg ne mə̀ biri zì àbɔrɔ̀bɔd igun bəd ne kayi mə̀Ju, ne mbə̰ mbe kɔ̀ndɔ gha à ya inen.”

Meta’

¹⁹ Mə yì biirɨ ni, chəi mɨ̀Izre nyaʼa zu ɨtu mɨ̀mə̌d zeŋ ə? Tɨtu, Mose nyaʼa ghà ni, “Mə bɨrɨ ghɨ̀ ni mbə̀ ghɨ ə̀dìì ɨgwɨ ə bə̂d mbe nɨ chəi mbɨ kuʼ ənɨ tɨ̀ mbɨ tɔŋ ənɨ əbeŋ. Mə bɨrɨ nɨŋ əbeŋ nɨ bə̂d məd yeʼ əneŋ əneŋ, ghɨ̀ mbə sə ɨtəm.”

Rm 10:19 교차 참조

Rm 10:18

Si ya gha, mə̀ ya anìŋ bìre gha: Àkə chəyi mbi ya zughi ikən chɔm gho̰? A ze inga Àŋwàʼrì Ŋwiye gha: “Mbi ya zug kwàʼ icheg chɔm. Mbi ya zug abə bəd mbe ne yaya chètè ikən chɔm we, ghò pè ane tibug ijìm igun isəg.”

Rm 11:11

Mə we ywìrè bìre gha, mə̀Ju wa tə̀ngə̀ gùg ane icheg ne chəyi tì mbi ywìrì nɔ̀ʼ? Indèʼ ka! Kayi ane imbə̀ʼ icheg ne mbi ya ghì inug tibɔ̀ŋ, Ŋwiye si ghì bəd ne kayi mə̀Ju mbi pum ni ghì gha mə̀Ju se ghìyə̀ àdeg.

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

Rm 3:26

Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

1 Kɔrèn 1:12

Anug ne mə ghà ya gha, mbə̰ mbe sìmnè nyɔd. Wə̀d imɔʼ we gha, “Mə ya bène abɔ̀ʼ Pɔl.” Ìywin we gha, “Mə ya bène abɔ̀ʼ Àpolòs.” Ìwi ndəŋ we bə̀ gha, “Mə ya bène abɔ̀ʼ Pità.” Wə̀d ndəŋ we bə̀ gha, “Mə ya bène abɔ̀ʼ Kristo.”

1 Kɔrèn 10:19

Mə kə anìŋ ghà gha? Mbə̀ kə kɔ̀ndɔ gha mə̀ ya ghà gha tijəg te ne mbe jə mə̀ŋwiye ya bè aghi mɔ̀ʼɔ? Kə̀ bì gha mə̀ŋwiye ya bè aghi mɔ̀ʼɔ?

1 Kɔrèn 11:22

Àkə chəyi mbə̀ beri ichan ne tì mbə̰ jəg bə̀ no inga ìmbən ichan? Kə̀ mbə̰ kə wèghè yaʼ ifeti bəd Ŋwiye bə̀ zìyè tìnìrètog igun bəd ne chəyi mbi beri ighi? Mbə kə kə̀bə̀ gha mə gha inən gha? Mə̀ wa naʼa məyakà inən ane inug mbo̰? Chəyi tì mə bḛ iku anug gho̰ ka.

1 Kɔrèn 12:2

Mbə̀ kyeri gha anyumə̀ ne chəyi mbə̰ ya kiri bḛ Ŋwiye, mbi yaya fèbrè awən ane tinɔnjì nɔʼ nɔʼ ghìyə̀ mbə se ghùmnə mə̀ŋwiye ako ne chəyi mbe ghàmà.

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

1 Kɔrèn 7:29

Ìmbum məfi fɔrɔ ìtum njàbi, anug ne mə ghà inən ya gha, nyùmə̀ ne isəg gho̰ biri nwḭ̀yḛ̀ fə tinde. Ni ko amad anìŋ, mbaŋà te ne beri mə̀yi te chughi icheg bəd ne chəyi mbi nami.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

1 Pità 2:10

À ya yaʼ anyumə̀ mɔ̀ʼɔ, chəyi mbə̀ ya yaʼi bəd Ŋwiye. Àsi amad anìŋ, mbə̰ ya si bəd Ŋwiye. À ya yaʼ anyumə̀ mɔ̀ʼɔ, chəyi Ŋwiye ya kiri digri igun inən. Àsi amad anìŋ, wì fə dìgrì igun inən.