Rm 10:18 - Ikan feg

¹⁸ Si ya gha, mə̀ ya anìŋ bìre gha: Àkə chəyi mbi ya zughi ikən chɔm gho̰? A ze inga Àŋwàʼrì Ŋwiye gha: “Mbi ya zug kwàʼ icheg chɔm. Mbi ya zug abə bəd mbe ne yaya chètè ikən chɔm we, ghò pè ane tibug ijìm igun isəg.”

Meta’

¹⁸ Àyɨə mə wɨə biirɨə ni: chəi mbɨ kɨrɨ zu ə? Təsìʼ yɨ ni mbɨ fə zu. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨkə̂n we nɨ mbɨə ghàə̀ fə jàŋ si jìm, mɨŋgam mɨ̀mə̌d fə wò pè ɨnwǐ ɨsɨg.”

Rm 10:18 교차 참조

Matìyò 24:14

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Matìyò 26:13

Mə gha tesiʼ inən gha, mà isiŋi ijìm igun isəg aŋa ne bəd biri chèti ikən chɔm gho̰, mbi biri se ghà anug azo̰ ne àyi gho̰ fàʼi ni wendi məd.”

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Matìyò 4:8

Debrə̀ ya ywìrì niŋ aməd ghò kwàʼ ikaŋ iwum kyen ne taŋ sà ikaŋ, chwi iben ijìm igun isəg ijìm fɔrɔ ighi chɔm chɔm mbe ne yaʼi inga iben mbe ibo.

Mk 16:15

Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Mk 16:20

Mə̀mə̀nənùg mbe ya dù ghò ghà ikən chɔm we isiŋi ijìm. Anɔŋisəg yaya fàʼà tì inɔb icheg ne wì ya nàʼi ika inɔb mbi nè ghìyə̀ inug yeti. Wì ya nàʼ ika we inɔb ane ni chwi gha inug mbe ne mbɔb yaya ghà ya tesiʼ. À ya ane.

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Rm 1:8

Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.