Rm 10:14 - Ikan feg

¹⁴ Si ya gha, mbi kə ghi chè iye ni kàrì aməd gha wì pumnə awɔb ne chəyi mbi nɔŋi ibḛfiŋ igun məd? Mbi kə bə̀ nɔŋi ibḛfiŋ igun məd iye ne chəyi mbi ya kweʼì zug anug mɔ̀ʼɔ imbə̀ʼ aməd? Mbi kə ghi chè iye ni zug anug mɔ̀ʼɔ imbə̀ʼ aməd ne chəyi wə̀d mɔ̀ʼɔ ne ya ghò chètì ikən chɔm inɔb imbə̀ʼ aməd?

Meta’

¹⁴ Àyɨə bə̂d kɨə wo kɔŋgɨ əməd rɨ yè nɨ chəi mbɨ nuŋ tə fîŋ ɨgwɨ məd ə? Mbɨ kɨə wo nuŋ tə fîŋ ɨgwɨ məd rɨ yè nɨ chəi mbɨ kweʼ zu ənû ɨmbə̀ʼ əməd ə? Mbɨ kɨə wo zu ənû ɨmbə̀ʼ əməd rɨ yè nɨ chəi wə̀d ghà ɨŋgam Ŋwiə̀ əmbɨ mɨ̀mə̌d ə?

Rm 10:14 교차 참조

Matìyò 20:7

Mbɔb ya ywìtì ibo gha, ‹À ya imbə̀ʼ icheg ne chəyi wə̀d mɔ̀ʼɔ ne nàʼi àfàʼì ina.› Icheg ne mbi ya ywìti ane, wì ya ghà inɔb gha, ‹Mbə̀ bə ghò fàʼ inga ìmə mben vayìn.›

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 9:36

Wə̀d we ya biri abə Yeso gha, “Masà, Ŋwan Wə̀d kə we? Gha inum imbə̀ʼ amə nɔŋɔ ìmə ibḛfiŋ igun məd?”

Ɨ̀fàʼì 19:2

Wì ya biri inɔb gha, “Azwighi Ŋwiye ya fə yeʼe igun inən anyumə̀ we ne mbə̰ ya bḛ Yeso?” Mbi ya ywìtì gha, “Indèʼ ka, chəyi tì bi kweʼì zug gha Azwighi Ŋwiye ze angu.”

Ɨ̀fàʼì 8:31

Wə̀d kyen we ya ywìtì gha, “Mə̀ kə yi kyeri iye ne chəyi wə̀d mɔ̀ʼɔ tòʼri inum?” Anyumə̀ ne wì ya biri ane, wì ya ghà abə Filip gha wì kɔʼ nyi chùghi inga mətwə̀ abɔ̀ʼ məd.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Efesùs 2:17

Ane, Kristo ya ghà ikən chɔm we ne ghìyə̀ bəd chùghə ane àbɔrɔ̀bɔd abə wə̀d ijìm. Ane, ikən we ya inən mbə̰ mbe ne kayi mə̀Ju ne chəyi mbə̀ ya bi kyèri Ŋwiye fɔrɔ inən mbə̰ mbe ne yaʼi mə̀Ju ne ya kyeri Ŋwiye.

Efesùs 4:21

Tesiʼ ya gha, mbə̰ fə zug anug imbə̀ʼ Yeso bə̀ bḛ anug məd. Mbe fə bə̀ chwìti tesiʼ imbə̀ʼ Yeso inən.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

Tayitùs 1:3

Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Jems 5:15

Bəd mə̀ chàʼra Ŋwiye tì ibḛfiŋ, Ŋwiye biri ghù wə̀d ne ghɔ̰̀. Anɔŋisəg biri ghì tengàŋ nɔʼ igun abaʼ aghɔn. Àmə yaʼ aghi ne wì ya gùghi anug mɔ̀ʼɔ, Ŋwiye biri waʼ inug tibɔ̀ŋ məd.