Rm 1:20 - Ikan feg

²⁰ Nɔ̀ʼ ane nyumə̀ ne Ŋwiye ya tangi isəg, məd Ŋwiye fə ghì inug nɔʼ nɔʼ ni chwi abə bəd gha zìye Ŋwiye we angu. Ineni inug nɔʼ nɔʼ mbe bə̀ angu kwàʼ asaŋ inga ighi mbe ne Ŋwiye tàngi ne chwìye inug imbə̀ʼ aməd we ne chəyi te bàrà. Inug mbe ya; ikuchèg məd icheg Ŋwiye fɔrɔ ika məd ne yaʼi ane ighə̀m imɔʼ. Ane, chəyi wə̀d mɔ̀ʼɔ ne tì we gha chəyi zìye kyeri Ŋwiye tesiʼ.

Meta’

²⁰ Tɨ ənɨ Ŋwìə̀ nyaʼa tekɨ ɨsɨg, mɨchî məd mbe nɨ chəi ənɨ tɨ̀ bə̂d zə, əne yɨ ɨka məd we nɨ ten i koŋ mbɨ ɨchî nɨ məd yeʼ ə Ŋwiə̀, fə jwɨ̀ zeŋ ɨchî nɨ bə̂d ə zə ɨghɨ mbe nɨ wɨ̀ tekɨ. Əne chəi ənɨ tɨ̀ mbɨ ghà ni chəi mbɨ kyerɨ.

Rm 1:20 교차 참조

Matìyò 5:45

Ane, mbə̰ biri yaʼ bɔn ìmbi ìwən Mbaʼ we ne yaʼi ikaŋ àbɔ̀ŋɔ. Mbə̀ ghiyə ane imbə̀ʼ icheg ne məd we ghìyə̀ gha nyùmə̀ zuʼ igun bəd ne ghìyə̀ inug tibɔ̀ŋ fɔrɔ igun bəd ne ghìyə̀ inug chɔm. Məd we bə̀ ghìyə̀ gha mbə̀ŋ no igun bəd ne ghìyə̀ inug ne koʼi fɔrɔ igun bəd ne ghìyə̀ inug ne chəyi mbi koʼi.

Mk 10:6

Tesiʼ ya gha, nɔ̀ʼ ane isəg ya ko, ‹Ŋwiye ya tangi bəd, mbaŋà tì àyi.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 15:22

Àkə ni gha, chəyi mə̀ ya yèʼe ghàm inɔb, nji chəyi mbi biri nyimi awɔb imbə̀ʼ ìmbɔb inug tibɔ̀ŋ. Icheg ne mə fə yèʼe ghàm inɔb, chəyi mbi biri ywiri bèrì aton mɔ̀ʼɔ ni nàʼ imbə̀ʼ ìmbɔb inug tibɔ̀ŋ.

Ɨ̀fàʼì 17:29

Icheg ne tì yaʼi bɔn Ŋwiye, imbə̀ʼ tì ya kɔ̀ndɔ awa gha, Ŋwiye ya icheg aghi bɔmi mɔ̀ʼɔ ne mbi tangi ane gol kə̀ ane silibà kə̀ ane iteg, kə aghi ne wə̀d kɔ̀ndi inga àzi atog si tàngi ane ibo.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Rm 1:19

Ane, Ŋwiye ya chə awɔb imbə̀ʼ icheg ne wì ya fə ghì anug ne mbɔb ya kòʼi ni kyeri imbə̀ʼ aməd Ŋwiye ze dù zen inɔb.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 2:1

Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Rm 2:15

Ze chwi gha, Ŋwiye ya fə ŋwàʼrì mə̀nɔ̀ʼɔ̀ Muse inga ìtɔb fìŋ. Ìtɔb fìŋ fɔrɔ ìtɔb tikɔndi te se sàʼa awɔb, zìyè isaʼi igun inɔb kə̀ bə̀ tàŋà awɔb.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

Kòlosè 1:15

Kristo we ne mbə̀ bari ya kwàʼ icheg Ŋwiye we ne chəyi bəd mbe bàrà. Məd ya atog igun ighi ijìm ne Ŋwiye tàngi.

Kòlosè 2:9

Aton ya gha, ka Kristo ya yeʼe igun isəg icheg wə̀d, məd ya kwàʼ Ŋwiye ane inug ijìm.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

Mə̀Hibrù 11:27

À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.