Rm 1:1 - Ikan feg

¹ À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Meta’

¹ À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 1:1 교차 참조

Mk 1:14

Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 15:15

Chəyi mə̀ ywìrè kàrà awən ane bəd àfàʼì imbə̀ʼ icheg ne, chəyi bəd àfàʼì kyeri inug ìmbi ìwɔb mbaʼ àfàʼì. Mə ya se kàrà awən yaʼ ane ìmbum mə̀sə̀ʼ imbə̀ʼ icheg ne, inug mbe ne ìmə Mbaʼ gha inum, mə fə ghì mbə̰ kyeri kwàʼ ijìm.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Ɨ̀fàʼì 13:9

Azwighi Ŋwiye ya sweg inga Sɔl ne mbi yaya bə̀ kàrà ane Pɔl. Ane, wì ya nèn Èlayimàs kwàʼ igun ìfe ghà ibo gha,

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 21:40

Wə̀d kyen mə̀sogyì we ya zug ane, sàŋì gha wì ghama. Pɔl ya təm igun adiŋi ze ne mbi bɔmi, mə̀ʼ abo abə bəd gha mbe chim tizi. Anyumə̀ ne bəd ya chimi tizi, wì ya ghàm inɔb ane ìngam Hibrù.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 22:7

Mə ya bu igun nyam fen aseg, si zug gì ne ya biri inum gha, ‹Sɔl! Sɔl! Aton ne àghò we chɔ̀ʼɔ ìmbum ibɔʼì ighog àkə gha?›

Ɨ̀fàʼì 26:1

Ifɔn Agripà ya ghà abə Pɔl gha, “Niŋ apan azo̰ gha inug mbe ne àghò beri ni ghà.” Anyumə̀ ne wì ya ghà ane, Pɔl ya təm titighe boʼ ibo, ko ghàm ni tàŋì ìwi nyɔd. Wì ya ghàm gha:

Ɨ̀fàʼì 26:14

Tì ya bu igun nyam fèndi aseg mba məjìm, mə si zug gì ne ya ghàmi inum ane ìngam Hibrù gha, ‹Sɔl, Sɔl, aton ne àghò we chɔ̀ʼɔ ìmbum ibɔʼì ighog àkə gha? À ya anug anen ni zɔ̀ŋ Ŋwiye?›

Ɨ̀fàʼì 27:23

Mə ya ghà anìŋ imbə̀ʼ icheg ne àkə kə̀ izimi gho̰, angirə̀ Ŋwiye we ne mə̀ yaʼi wə̀d məd, ne yaʼi Ŋwiye we ne mə ghùmnə, kə̀ yèʼe pè təm iban inum,

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 15:29

Mə kyèri gha anyumə̀ ne mə̀ yèʼe, mə biri ghì mbə̰ bèrì àbɔrɔ̀bɔd ajìm ze ne Kristo ya nàʼà.

Rm 16:18

imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

1 Kɔrèn 1:1

À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

1 Kɔrèn 9:1

Imbə̀ʼ mo we amə ane ìmə ighəm? Mo kə kayi wə̀dtɔm Kristo? Imbə̀ʼ mə fə bàra Yeso, ìwa Anɔŋisəg? Imbə̀ʼ mbə̰ fə bḛ Anɔŋisəg imbə̀ʼ icheg ne mə fàʼà ane ìmə fìŋ ijìm?

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

2 Kɔrèn 11:5

Chəyi mə̀ kɔndi gha bəd mbe ne bəd mɔ̀ʼɔ mbe nìŋə ane “bədtɔm Kristo kyen kyen” mbe bèrì ati chè amə.

2 Kɔrèn 11:7

Icheg ne mə̀ ya swi ìmə nyɔd aseg ni nàʼ ighumni inən anyumə̀ ne mə̀ yaya chètì ikən chɔm inən ne nɔʼi abə Ŋwiye, à wa kə anug ne mə̀ ya gùghi?

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

2 Kɔrèn 2:12

Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

Fìlipì 2:11

Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

Kòlosè 1:1

À ya mo Pɔl, wə̀dtɔm Kristo ne Ŋwiye chɔ̀ʼi tì Timotì ìwa ifi, mba bəd Yeso Kristo tì ŋwàʼri àŋwàʼrì azo̰.

Kòlosè 1:25

Mo ya wə̀d àfàʼì abə ifeti bəd Kristo icheg ne Ŋwiye ya chɔʼi amə chà, gha mə̀ taŋ tòʼrì inug ijìm mbe ne yaʼi inga Ìngam Ŋwiye inən, mbə̀ taŋ kyèri.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

1 Tèsàlonikà 2:8

Ane, icheg ne tì ya taŋ kɔ̀ŋ awən, chəyi tì ya kə̀bi məyi ni ghì gha mbə̀ kyeri ikən chɔm imbə̀ʼ Ŋwiye. Tì ya bə̀ kə̀b ni ghì inug ijìm ni wètì awən icheg ne tì kɔ̀ŋ awən.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Timotì 1:1

À ya mo Pɔl ŋwàʼri àŋwàʼrì azo̰. Mə ya ŋwàʼrà anìŋ icheg wə̀dtɔm Kristo ne Ŋwiye ne yaʼi ìwa Mbaʼ ne pùmnə awa tì Yeso Kristo ne tì nɔŋi ìwa ikɔndi igun, mbi chɔʼi amə.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Mə̀Hibrù 5:4

Chəyi wə̀d mɔ̀ʼɔ ne chɔ̀ʼɔ ìwi nyɔd ni niŋ ighumni ni yaʼ atog wə̀d igun bəd mbàn Ŋwiye. À ya məyi Ŋwiye we chɔ̀ʼɔ məd icheg ne wì ya chɔʼi Eròn.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

1 Pità 4:17

Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 22:6

Angirə̀ we ya ywìrì ghà inum gha, “Ŋwiye we ghà tesiʼ. Ane, tì kòʼ ni bḛ ìngam məd. Anɔŋisəg Ŋwiye ne nàʼà àzi Azwighi abə ìmbi bədkə̀n fə chà ìwi angirə̀ gha wì chwi inug ne biri zàmbi dù abə ìmbi bəd àfàʼì”.

Ɨnû 22:9

Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì icheg ine. Mo ya icheg ìmbe məfi mbe ne yaʼi bədkə̀n Ŋwiye bə̀ fɔrɔ icheg bəd mbe ne zùgrə inug mbe ne yaʼi inga àŋwàʼrì azo̰. Àghò ghumni yaʼ Ŋwiye!”