Filemɔ̀n 1:7 - Ikan feg

⁷ Ìmə ifi, icheg ne àghò we kɔ̀ŋɔ̀ bəd Kristo angu fə nəri ìmə fìŋ bə̀ ghì mə se gyènde. Mə ya gyènde imbə̀ʼ icheg ne àghò fə ghì fìŋ abə bəd Ŋwiye zùtì.

Meta’

⁷ Aŋgɔb, ɨchî nɨ à ghaʼ bə̂d ə fə ghɨ̀ ni ɨghaʼi kaŋ swi ɨŋga mɨ fîŋ. Ɨchî nɨ àwɔ̀ ə zùtə̀ fîŋ rɨ bə̂d Ŋwiə̀ fə bə̀ nəərɨ əmɨ.

Filemɔ̀n 1:7 교차 참조

1 Kɔrèn 16:18

Mbɔb ya ghì ìmə fìŋ zutì icheg ne mbɔb ya bə̀ ghì ìtən tì fìŋ bə̀ zutì. Ze bɔ̀ŋ gha bəd kyeri gha mbɔb fàʼ àfàʼì chɔm.

2 Kɔrèn 7:13

À ya anug ne taŋ nə̀rə ìta fìŋ ya aze. Ni yètì abɔ̀ʼ anug azo̰ ne nə̀rə ìta fìŋ, tì ya taŋ gyèndi ane icheg ne mbə̰ ya niŋi Tayitùs, ghì aməd wì se gyènde bə̀ ghì fìŋ məd zùtì.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

1 Tèsàlonikà 3:9

Tì we nàʼà məyakà abə Ŋwiye imbə̀ʼ awən. Chəyi tì tì təm imbìghè abə Ŋwiye nàʼ məyakà ne koʼi imbə̀ʼ icheg ne tì we taŋ gyènde imbə̀ʼ awən.

2 Timotì 1:16

Anɔŋisəg Yeso bere àsɔ̀mnəfiŋ igun bəd mbe ne yaʼi inga nəb ìzi Ònèsìforùs imbə̀ʼ icheg ne məd ya nəri amə. Chəyi məd ya beri tìnìrètog imbə̀ʼ amə icheg ne mə̀ yaʼi inga nəb ndəŋ .

Filemɔ̀n 1:20

Ane, ìmə ifi, mə boʼ ibo ine gha àghò zugri amə, fàʼ anug azo̰ ne mə ghà icheg ne tì yaʼi ane ifɔti tì Anɔŋisəg. Àghò nəri ìmə fìŋ icheg wə̀d Kristo ìywin.

2 Jɔn 1:4

Mə ya taŋ gyen anyumə̀ ne mə̀ ya bàri gha bəd mɔ̀ʼɔ abɔ̀ʼ ìmbe bɔn mbe bène abɔ̀ʼ tesiʼ kwàʼ icheg ne Ŋwiye ne yaʼi Mbaʼ ya nàʼi ikə ina.