Mk 9:50 - Ikan feg

⁵⁰ Fìngwaŋ bɔ̀ŋ, si ya gha, à mə̀ chəyi fe ywìrè nə̀mə̀, tì àghò tangi gha fe ywìrì nə̀m? Mbə̰ ya icheg fìngwaŋ. Ane, mbə̀ chughi ane àbɔrɔ̀bɔd tì ìmbən məfi.”

Meta’

⁵⁰ “Fɨ̀ŋgwaŋ ə bɔ̀ŋ, àyɨə fɨ mɨ ton wɨrɨ nəm i, à wɨrɨ tekɨ rɨ ye ni fɨ wɨrɨ nə̀m ə? Mbə̀ yeʼ ɨghabɨ fɨ̀ŋgwaŋ, əne mbə̀ chub ənɨ əbɔrəbɔd mbɨ mbə bɔŋgɔb.”

Mk 9:50 교차 참조

Matìyò 5:13

Yeso ya chè imbìghè gha, “Mbə̰ ya icheg fìngwaŋ abə bəd ne yaʼi igun isəg. Si ya gha, fìngwaŋ kə mə̀ fə tu, mbi kə ywìri ghənə ni ghì gha fe ywirì nə̀m? Chəyi aghi ne tì mbi ywìrì ghì tì fìngwaŋ fe chèyi ni tù aseg, bəd se chè tə̀ʼə̀ yḛ̀ igun.

Mk 9:34

Mbi ya chim tizi imbə̀ʼ icheg ne mbi yaya yḛ̀ nè sìmnè ìkyen.

Mk 9:49

Mbi biri ghì wə̀d ijìm zen ane iywid, [icheg ne mbe zène ighi àfàtì ijìm ane fìngwaŋ.]

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 4:29

Imbə̀ʼ mbə̰ ghama awən ìngam tibɔ̀ŋ. Mbə̀ ghama yaʼ tìngam chɔm ne biri ghì mbə kweg, bəd ndəŋ ne biri zug tìngam te bə̀ kweg.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

Kòlosè 4:6

Mbə̀ ghiyə gha ìngam we ne dùwə̀ inən ichug we yaʼ ìwi chɔm ne tì wi wètì bəd. Ane, mbə̰ biri kyeri ikuchèg chɔm ni ywìtì inug abə bəd.

1 Tèsàlonikà 5:13

Mbə̀ taŋ ghùmni awɔb bə̀ chwi inɔb gha mbə̰ kɔ̀ŋ awɔb imbə̀ʼ àfàʼì ze ne mbɔb mbe fàʼà inən. Mbə̀ chughi ane àbɔrɔ̀bɔd tì mə̀mbin.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Jems 1:20

Aton ya gha, chəyi agaŋ wə̀d ze ghìyə̀ gha ìtḛ̀ məd təm kòʼ icheg ne Ŋwiye we kə̀bə̀.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.