Mk 9:20 - Ikan feg

²⁰ Mbi ya niŋ Ŋwan mbaŋà we ghò nàʼ ibo. Anyumə̀ ne azwighi tibɔ̀ŋ ze ya bàra Yeso, ze ya chìʼrì Ŋwan we kwàʼ ati. Ŋwan we ya gùg aseg, se bìngə, mbìrìnjo ko se dùwə̀ ibo ichug.

Meta’

²⁰ Mbɨ nyaʼa nɨŋ wan mbaŋə̀ we wò nàʼ ɨ bɔ. Ənɨ əzwî rɨbɔ̀ŋ ze ə nyaʼa zə ə Yeso, zɨə nyaʼa chìʼ wan we əwu əwən, wɨ̀ gù ə si, biŋgə, tɨjo kɔ jwɨ rɨ ɨchû.

Mk 9:20 교차 참조

Mk 1:26

Azwighi tibɔ̀ŋ ze ya kyen ane gì ka ka, chìʼrì mbaŋà ze, si dù inga məd.

Mk 9:18

Mà nyumə̀ ijìm ne azwighi tibɔ̀ŋ ze nyimi aməd, ze ya mèʼè məd aseg, mbìrìnjo se dùwə̀ ibo ichug, wì se kùrə asɔŋ, nyɔd məd ijìm se kà ka. Ane, mə kə̀ ghà abə ìmbe mə̀mə̀nənùg gha mbe kamni azwighi tibɔ̀ŋ ze chì. Si ya gha, chəyi tì mbi chì.”

Mk 9:19

Yeso ya ghà inɔb gha, “Chəyi ikəri bəd gho̰ beri ibḛfiŋ! Mə kə anìŋ chughi tì inən ane agha ne sa iye? Mə kə anìŋ nyimi fìŋ tì inən ane agha ne sa iye? Mbə̀ niŋ aməd yèʼe nàʼ inum!”

Mk 9:21

Yeso ya biri abə mbaʼ Ŋwan mbaŋà we gha, “Agha fə sà iye ne aghɔn azo̰ yaʼ igun Ŋwan gho̰?” Wì ya ywìtì ibo gha, “Ze ya ko anyumə̀ ne wì yaya kiri ŋwan bɔd.

Mk 9:26

Anyumə̀ ne wì ya gha ane, azwighi tibɔ̀ŋ ze ya kyen, chìʼrì ŋwan mbaŋà we kwàʼ ane ika, chè dù. Ŋwan we ya si yaʼ aseg icheg awu wə̀d. Àze ya ghì bəd nɔʼ nɔʼ se gha, “Wì fə ku!”

Lk 4:35

Yeso ya kyen azwighi tibɔ̀ŋ ze gha, “Chim tizi! Che dù inga məd!” Azwighi tibɔ̀ŋ ze ya ŋam wə̀d we tum aseg, si dù yi inga məd witì zì anə igun məd.

Lk 8:29

Wì ya dèg ane imbə̀ʼ icheg ne Yeso ya kyen abə azwighi tibɔ̀ŋ ze gha ze duwə inga məd. Mà nyumə̀ ijìm ne azwighi azo̰ nɔʼi inga məd, ka mbi kɔd ibo fɔrɔ ighog ane mə̀chen, nɔ̀ŋì wə̀d ne kyèʼè məd, wì mənyìʼ tə̀ndi mə̀chen mbe bə̀ bu. Azwighi tibɔ̀ŋ azo̰ yaya ghìyə̀ wì gho inga tibad zɔbi.

Lk 9:39

Azwighi mɔ̀ʼɔ ze sàʼà gwìyè məd, wì se kyḛ. Ze ya mə̀ gwì aməd mèʼì aseg, wì se bìnde krìg krìg krìg. Mbi tìnjɔ ya bə̀ se dùwə̀ ibo ichug. Chəyi ze bḛ ni sàŋì aməd. Ze ya anìŋ chìkə̀ aməd.

Lk 9:42

Kwàʼ icheg ne ŋwan mbaŋà we yaya kiri gho gho abə Yeso, azwighi tibɔ̀ŋ ze ya ywìrì gwì tum aseg, wì se bìnde krìg krìg krìg. Si ya gha, Yeso ya kyen abə azwighi tibɔ̀ŋ ze gha ze che du inga məd. Wì ya bə̀ ghù ŋwan we, si ghà abə mbaʼ məd gha, “Niŋ ìwe ŋwan.”

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.