Mk 6:12 - Ikan feg

¹² Mbi ya dù ghò ghàm Ìngam Ŋwiye gha bəd bəŋə ìtɔb fìŋ waʼ inug tibɔ̀ŋ.

Meta’

¹² Ənɨ wɨ̀ nyaʼa tom mɨ̀mə̌d əne, mbɨ nyaʼa jwɨ̀ wò ghà ni bə̂d mɨ̀jìm beŋ tə fîŋ.

Mk 6:12 교차 참조

Matìyò 11:1

Anyumə̀ ne Yeso ya màni ni ghà inug mbo̰ abə ìmbi mə̀mə̀nənùg mbe ìghum chɔ̀b ibe, wì ya nɔ̀ʼ asiŋi ze ghò inga isiŋi mbe ne yaʼi iban iban pè ko ni chwiti inug bə̀ ghàm Ìngam Ŋwiye.

Matìyò 11:20

Yeso ya ko ni ghàm, gaŋ abə bəd inga isiŋi mbe ne wì ya taŋ ghì iyeti inug nɔʼ nɔʼ inga imbə̀ʼ icheg ne chəyi mbi ya bə̀ŋi ìtɔb fìŋ sìkì inug tibɔ̀ŋ.

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 3:8

Mbə̀ ghiyə inug mbe ne chwìye gha mbə̰ fə bə̀ŋì ìtən fìŋ sìkì inug tibɔ̀ŋ.

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 9:13

Mbə̀ gho nàni aton ane Ìngam Ŋwiye we ne gha, ‹Mə kɔ̀ŋ gha bəd ya bèrè àsɔ̀mnəfiŋ. Chəyi mə̀ kɔŋi anug ne bəd mbe nàʼà ighi àfàtì inum.› À ya ane imbə̀ʼ icheg ne chəyi mə̀ yeʼe ni kàrì bəd ne təmi kòʼ. Mə yeʼe ni kàrì bəd ne ghìyə̀ inug tibɔ̀ŋ.”

Mk 1:15

Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”

Mk 1:3

Məd ya wə̀d we ne kyḛ inga ibad zɔbi gha, ‹Mbə̀ tangi inɔnjì abə Anɔŋisəg. Mbə̀ tangi mənɔnjì məd mbe təm!›”

Lk 11:32

Igun aneg ze ne Ŋwiye biri saʼ bəd, bəd mbe a Ninivè biri nɔ̀ʼ zì isaʼi igun ikəri bəd gho̰ imbə̀ʼ icheg ne, mbi ya to̰ awɔb inug tibɔ̀ŋ anyumə̀ ne Jonà ya ghàmi Ìngam Ŋwiye inɔb. Mə gha tesiʼ inən gha, wə̀d mɔ̀ʼɔ ne che Jonà we aŋa.”

Lk 13:3

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri bə ku icheg inɔb.

Lk 13:5

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri ku icheg inɔb.”

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 15:7

Mə gha tesiʼ inən gha, À ya bə̀ ane ne igyendi kyen biri yaʼ ikaŋ àbɔ̀ŋɔ anyumə̀ ne wə̀d imɔʼ ne ghìyə̀ inug tibɔ̀ŋ bə̀ŋi ìzi fìŋ. Mbi biri gyendi chè icheg ne mbe gyènde imbə̀ʼ bəd ìghum àbɔg chɔ̀b àbɔg ne təmi kòʼ ne chəyi ze chwi gha mbe ywirì bə̀ŋì ìtɔb fìŋ.”

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Lk 9:6

Icheg ne Yeso ya màni ni ghàm, mə̀mə̀nənùg mbe ya dù ghò iben iben nè chètè ikən chɔm bə̀ nè ghùyə̀ bəd ne ghɔ̰̀.

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.