Mk 4:11 - Ikan feg

¹¹ Wì ya ywìtì inɔb gha, “Ŋwiye fə nàʼ iwe inən gha mbə̀ kyeri inug mbe ne yaʼi inə̀mbi imbə̀ʼ anug ìfɔ̀n məd. Si ya gha, mbi biri ghà inug ijìm abə bəd mbe ne chəyi awɔb abɔ̀ʼ inən ane tìngam məgri.

Meta’

¹¹ Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n əməd. Àyɨə mbɨ bɨrɨ ghà ɨnû jìm əmbɨ ə bə̂d mbe nɨ chəi əkaʼ nən ənɨ ɨnû mɨgɨ,

Mk 4:11 교차 참조

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 13:16

Ŋwiye zì àbɔrɔ̀bɔd igun inən imbə̀ʼ icheg ne mbə̰ mbe bàrà inug mbo̰ bə̀ zùghə kwàʼ mbə̰ mbə̰.

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Mk 3:23

Anyumə̀ ne mbi ya gha ane, wì ya kàrì awɔb abɔ̀ʼ məd, ghà inɔb ane ìngam məgri gha, “Sàtàn kə ywìrè kàmà yi zìye chìyè inga bəd iye?

Mk 4:10

Anyumə̀ ne Yeso ya yaʼi yi tèzìʼì, bəd mɔ̀ʼɔ abɔ̀ʼ mbe ne ya yaʼi inga inɔ̰ we ne ya che kad aməd tì mə̀mə̀nənùg məd mbe ìghum chɔ̀b ibe ya ghà ibo gha wì toʼro tìngam məgri te.

Mk 4:2

Wì ya ko ni chwiti inug nɔʼ nɔʼ inɔb ane tìngam məgri. Wì ya ghà inɔb gha:

Lk 8:10

Wì ya ywìtì inɔb gha, “Ŋwiye fə fìʼì àzən atog ni kyeri inug imbə̀ʼ anug ìfɔ̀n ikaŋ. Àsi abə mbin tì bəd, mə ya ghàmà yaʼ ìngam məgri inɔb. Anìŋ ya ni ghì gha, ‹Mbi biri nèn, chəyi mbi biri bàd. Mbi biri bə zug, chəyi mbi biri bə kyeri.›

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Efesùs 1:9

Ane, Ŋwiye ya fàʼ icheg ne wì ya fə chuʼri nɔ̀ŋì. Wì ya ghì tì kyèri inug mbe ne ya yaʼi inə̀mbi ne wì ya fə nɔ̀ŋì ni fàʼ anjìm Kristo.

Kòlosè 4:5

Mbə̀ we awən ane icheg ne mbə̰ mbe ghìyə̀ inug tì bəd mbe ne kayi bəd Kristo. Mbə̀ niŋ apan ze ne mbə̀ yaʼi tì inɔb ghì inug ne chwìye gha mbə̰ ya bəd Kristo.

1 Tèsàlonikà 4:12

Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.

1 Timotì 3:7

Məd bèrì ni yaʼ wə̀d ne bəd mbe ne kayi bəd Kristo mbe ghà inug chɔm imbə̀ʼ aməd. Ane, chəyi wì biri ya bèrè tìnìrètog. Chəyi wì biri bə fen inga atam Debrə̀.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.