Mk 2:16 - Ikan feg

¹⁶ Mə̀chwitì mə̀nɔ̀ʼɔ̀ mɔ̀ʼɔ ne ya bə̀ yaʼ mə̀Farìsi ya bàd icheg ne Yeso yaya jə̀ghə tì bəd ne ghìyə̀ inug tibɔ̀ŋ bə̀ jə̀ghə tì bəd ne fète mə̀tag. Ane, mbi ya biri abə mə̀mə̀nənùg məd gha, “Aton ne Yeso we jə̀ghə tì tiku bəd ìto̰ àkə gha?”

Meta’

¹⁶ Məchwiə̀ rɨ̀kə̌ mɔʼɔ nɨ nyaʼə bə mɨ̀Farisiî nyaʼa zə ənɨ Yeso nyaʼə jɨgə mbɨ ə bə̂d nɨə ghɨ̀ ɨnû rɨbɔ̀ŋ bə̀ jɨgə mbɨ məfetɨ mɨ̀tagsɨ̀, əne mbɨ nyaʼa biirɨ əmbɨ mə̀mə̀ə̀nɨ̀-ɨnû ɨməd ni, “Əton nɨ Yeso ə jɨgə mbɨ məfetɨ mɨ̀tagsɨ̀ fɔrɨ mbɨ ə bə̂d nɨə ghɨ̀ ɨnû rɨbɔ̀ŋ kɨ ɨmbə̀ʼ ə yè ə?”

Mk 2:16 교차 참조

Matìyò 18:17

Àmə yaʼ aghi ne chəyi wì kiri kəbi ni zug, àghò mətə anug ze abə itog bəd inga ifeti bəd Kristo. Àmə bə̀ yaʼ aghi ne chəyi wì kiri kəbi ni zug abə itog bəd inga ifeti bəd Kristo, mbə̀ niŋ aməd icheg wə̀d ne chəyi wì kiri bḛ Ŋwiye, kə̀ icheg wə̀dtag.”

Matìyò 5:46

Mbə̰ mə̀ ya kɔ̀ŋɔ̀ məyi bəd mbe ne bə̀ kɔ̀ŋɔ̀ awən, Ŋwiye kə si nàʼ chùd ane àzən àfàʼì iye? Imbə̀ʼ aŋa ya icheg ne bədtag mbe bə̀ ghìyə̀?

Matìyò 9:11

Anyumə̀ ne mə̀Farìsi ya bàri, mbi ya biri abə mə̀mə̀nənùg ìmbi Yeso gha, “Aton ne ìwən Àchwitìnùg we jə̀ghə tì bədtag fɔrɔ bəd ne ghìyə̀ inug tibɔ̀ŋ àkə gha?”

Mk 2:15

Yeso tì mə̀mə̀nənùg məd ya chughi aseg inga nəb Levì se jə̀ghə. Anyumə̀ we, bəd nɔʼ nɔʼ ne fète mə̀tag tì bəd nɔʼ nɔʼ ne ghìyə̀ inug tibɔ̀ŋ ya bə̀ chùghi aseg abɔ̀ʼ inɔb se jə̀ghə imbə̀ʼ icheg ne inɔ̰ bəd ya beni abɔ̀ʼ Yeso.

Mk 2:7

“Aton ne Mbaŋà ìzo̰ ze ghàmà anìŋ àkə gha? Wì ya anìŋ zɔ̀mbɔ Ŋwiye! Àkə we ne tì wì waʼ inug tibɔ̀ŋ bəd chèyi ane Ŋwiye?”

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Lk 19:10

Ŋwan Wə̀d yeʼe ni kə̀b bəd mbe ne nimi bə̀ pumnə awɔb.”

Lk 19:7

Bəd məjìm ya bàd anug azo̰, se zḭ̀ʼḛ̀ gha, “Wè ghò ni neg inga nəb abə wə̀d ne ghìyə̀ inug tibɔ̀ŋ.”

Lk 5:30

Mə̀Farìsi fɔrɔ mə̀chwitì mə̀nɔ̀ʼɔ̀ ne ya yaʼi inga ìwɔb ikoʼi ya ghàmbì imbə̀ʼ Yeso abə mə̀mə̀nənùg məd gha, “Aton ne mbə̰ mbe jə̀ghə bə̀ no tì bədtag fɔrɔ bəd inug tibɔ̀ŋ àkə gha?”

Ɨ̀fàʼì 23:9

Ìngam ya dù kwàʼ ìwi ka ka icheg ne mbi yaya tàŋà inug ane. Ane, mə̀chwitì mə̀nɔ̀ʼɔ̀ mɔ̀ʼɔ ne ya yaʼi mə̀Farìsi ya təm titighe ghàm kwàʼ ane gì ka ka gha, “Chəyi tì zə̰ anug tibɔ̀ŋ mɔ̀ʼɔ ne wə̀d gho̰ ghi ka. Ighəm mɔ̀ʼɔ, à ya azwighi mɔ̀ʼɔ kə̀ angirə̀ mɔ̀ʼɔ ghàmi ibo.”

1 Kɔrèn 2:15

Chəyi tì atog zen abə wə̀d ne chəyi Azwighi Ŋwiye yaʼi inga məd ni ghì gha wì kyeri iku wə̀d ne wə̀d ne beri Azwighi Ŋwiye wì yaʼi ìwiwən.

Mə̀Hibrù 12:3

Mbə̀ kɔndi icheg ne məd ya nyìʼi ngəʼ ikye ibo abə bəd inug tibɔ̀ŋ. Mbə̰ mə̀ kɔ̀ndi ane, nji chəyi ìwən ibḛfiŋ biri bɔd ghì mbə chì fìŋ ane Ŋwiye.