Mk 10:21 - Ikan feg

²¹ Yeso ya nèn aməd kɔ̀ŋ, si ghà ibo gha, “Aghi mɔ̀ʼɔ ze angu ne chəyi àghò beri. Ndò ghò fèndì ighi mbe ne àghò beri ijìm, ghò nàʼ ikab we abə bəd fum. Àghò biri si bèrì ighi ikaŋ àbɔ̀ŋɔ. Ghiyə ane, si yèʼe bèni abɔ̀ʼ inum.”

Meta’

²¹ Yeso nyaʼa nèŋ əməd ghaʼ, əne ghà ɨ bɔ ni, “À kwaŋ əghɨ ə mɔʼɔ. Ndə̀ wò fèndɨ̀ ɨghɨ mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Mk 10:21 교차 참조

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Matìyò 19:21

Yeso ya ywìtì ibo gha, “Àghò mə kə̀b ni bɔ̀ŋ mànì, ndò gho fèn ìmbe ighi ijìm, nàʼ ikab abə bəd ne chəyi àzɔb, àghò biri si taŋ bèrì ighi ikaŋ àbɔ̀ŋɔ. Àghò mə mànì ni ghì ane, si yèʼe bèni abɔ̀ʼ inum.”

Mk 10:22

Anyumə̀ ne mbaŋà ze ya zug anug azo̰, anug ya chè aməd. Ane, wì ya nɔ̀ʼ ghò yi se yḛ̀ nè sɔ̀mnɔ̀ imbə̀ʼ icheg ne wì ya taŋ bèrì ighi nɔʼ nɔʼ.

Mk 8:34

Anyumə̀ ne wì ya gha ane, wì ya kàrì inɔ̰ bəd we bə̀ kàrì ìmbi mə̀mə̀nənùg abɔ̀ʼ məd, ghà inɔb gha, “Wə̀d mɔ̀ʼɔ mə̀ kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀, si bèʼì àze azed abaʼri beni abɔ̀ʼ inum.

Lk 10:42

Aghi amɔʼ ze angu ne àghò kòʼi ni bèrì. À ya àzewən ze ne Mèri fə də̀bi. Ane, chəyi tì mbi ywìrì niŋ ibo.”

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 16:9

Mə ghà kwàʼ tesiʼ inən gha, aton ane ìngam gho̰ ya gha, mbə̀ niŋ ighi ikab mbo̰ inga isəg ghì mə̀sə̀ʼ angu. Ze yaʼ ane imbə̀ʼ icheg ne, anyumə̀ ne ighi ikab mbe biri mèg, mbə biri si bèrì asiŋi ni chughi ane ìtḛ̀ ighə̀m imɔʼ.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 19:41

Yeso ya ghò anene se tìnde iban Jèrusalèm. Anyumə̀ ne wì ya bàri ikye aben we, wì dèg gha,

Lk 9:23

Yeso ya ghà inɔb mbɔb məjìm gha, “Wə̀d mə kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀. Tengàŋ bèʼe àze azed abaʼri mà ineg ijìm bèni abɔ̀ʼ inum.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Ɨ̀fàʼì 2:45

Mbi yaya fèndè ìmbɔb ighi fɔrɔ ìmbɔb isiŋi iseg wètè bəd ne chəyi àzɔb.

2 Kɔrèn 12:15

Mə biri gyen ni nàʼ ighi ijìm ne mə beri bə̀ nàʼ àmə atog imbə̀ʼ awən. Mə mə̀ taŋ kɔ̀ŋ awən anìŋ, mbə wa biri si kɔ̀ŋ amə məyi iki piʼì?

2 Timotì 3:12

Tesiʼ ya gha, wə̀d ijìm ne kə̀bə̀ ni chughi icheg ne Ŋwiye kə̀bi anjìm icheg ne wì nɔŋi ibḛfiŋ igun Yeso Kristo, mbi mənyìʼ chɔʼ ibɔʼì ighog məd.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Jems 2:10

Wə̀d mɔ̀ʼɔ mə̀ nɔ̀ŋì mə̀nɔ̀ʼɔ̀ məjìm si gùg ka məyi nɔ̀ʼɔ imɔʼ, ane ya gha wì fə gùg mə̀nɔ̀ʼɔ̀ məjìm.

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.

Ɨnû 2:4

Si ya gha, mə bèrì anug azo̰ imbə̀ʼ awe. Anug ze ya gha, chəyi àghò we ywìrè kɔ̀ŋɔ̀ amə bə̀ kɔ̀ŋɔ̀ bəd icheg ne àghò yaya bè kɔ̀ŋɔ̀.