Matìyò 5:3 - Ikan feg

³ “Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Meta’

³ “Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 5:3 교차 참조

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 11:6

Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

Matìyò 13:16

Ŋwiye zì àbɔrɔ̀bɔd igun inən imbə̀ʼ icheg ne mbə̰ mbe bàrà inug mbo̰ bə̀ zùghə kwàʼ mbə̰ mbə̰.

Matìyò 19:14

Yeso ya ghà inɔb gha, “Mbə̀ saŋa bɔn kwa mbe yèʼe inum. Imbə̀ʼ mbə̰ kə̰ awən awɔb imbə̀ʼ icheg ne anug ìfɔ̀n ikaŋ ya abə bəd ne yaʼi icheg bɔn kwa mbo̰.”

Matìyò 24:46

Ze biri bɔ̀ŋ abə wə̀d àfàʼì we anyumə̀ ne mbaʼ àfàʼì məd bə̀ndi pè kɔ̀ti aməd ne we fàʼà àzi àfàʼì.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 8:11

Mə ya anìŋ ghà inən gha, bəd ndan ndàn biri nɔʼ inga isiŋi mbe ne yaʼi aba isəg ze ne nyùmə̀ we dùwə̀ fɔrɔ aba isəg ze ne nyùmə̀ we fḛ, yèʼe niŋ ìmbɔb iti, jəg iteri inga anug ìfɔ̀n tikaŋ tì Abràham tì Azìg fɔrɔ Jàkɔb.

Mk 10:14

Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Lk 18:14

Mə gha tesiʼ inən gha, wə̀dtag gho̰ ya təm kòʼ imbìghè abə Ŋwiye chè Farìsi we bɔŋ mbi ya se bə̀ndə̀ ghò a achan. Mbə̀ kyeri gha, wə̀d ne nɔ̀ nyɔd, Ŋwiye biri swi aməd. Wə̀d ne swi ìwi nyɔd, Ŋwiye biri nɔ̀ aməd.”

Lk 22:29

Mə biri nàʼ anug ìfɔ̀n inən kwàʼ icheg ne ìmə Mbaʼ fə nàʼi anug ìfɔ̀n inum.

Lk 22:30

Ane, mbə̰ biri jəg bə̀ no inga àmə anug ìfɔ̀n. Mbə̰ biri bə chughi tì inum igun itən ifɔn se sàʼa tinəbi Izre te ìghum chɔ̀b ibe.”

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 20:29

Yeso ya si ghà ibo gha, “Àghò ya anìŋ kə zìyè ibḛfiŋ igun inum imbə̀ʼ icheg ne àghò bàd amə. Ŋwiye zì àbɔrɔ̀bɔd igun bəd mbe ne zi ìwɔb ibḛfiŋ igun inum ne chəyi mbi bàd amə.”

Jems 1:10

Àsi wə̀d Kristo we ne beri ikab, wì ya gyènde gha Ŋwiye swi aməd aseg. Wì ya gyènde imbə̀ʼ icheg ne bəd mbe ne beri ikab biri chè nim kwàʼ icheg tewàrà.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Ɨnû 19:9

Angirə̀ we ya ghà inum gha, “Ŋwàʼra anug azo̰. Ŋwiye zì àbɔrɔ̀bɔd igun bəd mbe ne mbi kaʼi ane iteri inami Ŋwan njə̀g.” Angirə̀ we ya ywìrì ghà gha, “Aŋa ya kwàʼ tìngam tesiʼ ne Ŋwiye ghàmi.”

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Ɨnû 3:17

Àghò we gha, ‹Mo ya wə̀d ighi. Mə bèrì ighi nɔʼ nɔʼ. Chəyi mə̀ cheʼi aghi mɔ̀ʼɔ›. Si ya gha, chəyi àghò kyèri gha àghò ya wə̀d ngəʼ, ne bəd mbe nḛ̀ kə̀nə̀. Chəyi àghò bə kyèri gha àghò ya wə̀d fum ne yaʼi ifəg bə̀ yaʼ tì ìkyèri ikye.